ტვ პირველის ინფორმაციით, ბიძინა ივანიშვილი, სამშენებლო ბიზნესის კუთხით, მასშტაბურ პროექტებს იწყებს. 16 კორპუსი თითო 30 საართულიანი – მინი ქალაქის მშენებლობა ისანში იწყება. მშენებლობას “ფონდი ქართუ” და ივანიშვილის კომპანია “ელიტ ბურჯი” განახორციელებენ.
საკრებულომ ნებართვა უკვე გასცა, ქალაქის ხელმძღვანელობას, სულ რაღაც 3 დღე დასჭირდა რომ ოლიგარქის განაცხადი განეხილა და საკრებულოსთვის გადაეგზავნა. გაბრიელ სალოსის ქუჩა უახლოეს მომავალში დიდ სამშენებლო პოლიგონად იქცევა, რის შედეგადაც, ბიძინა ივანიშვილი კიდევ რამდენიმე ათეული მილიონით გამდიდრდება.
თბილისის საკრებულოს ენმ-ს წევრი ლილე ლიპარტელიანი:
8 შენობა იყო ამ ტერიტორიაზე და მართლა დიდი კონცენტრირებული პარკი იყო, ასე თუ ისე ჯდებოდა არსებულ განაშენიანებაში მეტნაკლებად. ახლა იქნება 8-ის ნაცვლად 16 კორპუსი და მაქსიმალური სიმაღლე არის 30 სართული. გაქრა სარეკრეაციო ზონა, მხოლოდ 1 სპორტული მოედანი იქნება. დედაქალაქის საკრეულო როგორც ორშაბათს ურბანულ კომისიაზე, ასევე დედაქალაქის საკრებულოს სხდომაზე მორჩულად, მონურად დაუჭერს მხარს დედაქალაქის საჭირბოროტო საკითხების მოგვარებას კი არა, ბიძინა ივანიშვილის, რუსი ოლიგარქის მილიონების შოვნას.
კომენტარები