“ორივეს ერთი ინტერესი გვაქვს” – ქმნიან თუ არა მელია და გვარამია პარტიას ერთად?

ხედავს თუ არა პოლიტიკურ მომავალს ნიკა გვარამიასთან ერთად? – ნიკა მელია პირველ კომენტარს აკეთებს და ამბობს:

ახალი პოლიტიკური პარტია დაფუძნდება და ამას ბევრი ახალი, განსხვავებული, ნაცნობი საზოგადოებისთვის კარგად, მართალი ხალხი დააფუძნებს.  ეს არ იქნება ვინმეს პარტია, ეს იქნება პარტია, რომლის მიმართაც ჩემი სურვილი იქნება, ნდობა იქნება ძალიან მაღალი საზოგადოებაში. ეს პარტია უნდა იყოს ხალხის პარტია. მე არ ვარ და ნიკაც (გვარამია) საუბრობს, მომხრე იმის, რომ ვიღაცის სახელი ერქვას ამა თუ იმ პარტიას. ნიკასთან მაქვს ახლო ურთიერთობა, ბუნებრივია, ნიკა გვარამიასთან მოლაპარაკებები, საუბრები – ორივეს გვაინტერესებს ივანიშვილის დამარცხება. სახელს და გვარებს – ნიკა მელია იქნება იქ, ნიკა გვარამია, კობა ნაყოფია იქნება თუ სხვა და სხვა, მართალია, ინტერესი არსებობს მედიაში, მაგრამ მთავარია, რა საფუძველს ვუყრით ამ ყველაფერს. ჩემს სახელს და გვარსაც მეორე და მესამე სახის მნიშვნელობა ეძლევა ჩემთვის, იმიტომ, რომ სახელმწიფო არის ამ მოჯადოებული წრიდან გამოსაყვანი და ეს დახშული პოლიტიკური წრე უნდა გავხსნათ.