საქართველოში სილამაზის სალონები 8 ივნისიდან გაიხსნება. თუმცა მას შემდეგ, რაც ისინი მუშაობას განაახლებენ, გარკვეული რეკომენდაციების შესრულება მოუწევთ.
სალონების ფედერაცია ავრცელებს:
“ვიცი, რომ ძალიან გაინტერესებთ ის რეგულაციები, რაც 8 ივნისიდან უნდა განხორციელდეს სალონებში, რომ მომხმარებელი მივიღოთ. გთავაზობთ რეკომენდაციებს და მოთხოვნებს, რის მიხედვითაც უნდა იხელმძღვანელოთ.
სილამაზის სალონები საშუალო რისკის მატარებელ ობიეტებს მიეკუთვნება. აქვე გთავაზობთ იმ წესების ჩამონათვალს მარტივად, რომელიც გაწერილია ბრძანებებში.
- პირველი, რაც უნდა გააკეთოთ, არის რომ უნდა შეიძნიოთ უკონტაქტო თერმომეტრები, დამცავი ფარები, დეზობარიერები. ნიღბები და ხელთათმანები ისედაც მოიპოვებოდა სალონებში.
- ყველა თანამშრომელი ვალდებულია, სამსახურში გამოცხადებისთანავე გაიზომოს სიცხე და აღრიცხვის ჟურნალში შეიტანოს მონაცემები
- კარებში უნდა იდგეს ერთი თანამშრომელი, რომელიც შემოსულ მომხმარებელს გაუზომავს სიცხეს, დააბანინებს ხელს/დეზინფექციას გაუკეთებს სადეზინფექციო სხნარით, რომელიც იქვე გექნებათ მოთავსებული. აუცილებელია, ყოველი კლიენტის მონაცემები (ტემპერატურა) შეტანილი იქნას აღრიცხვის ჟურნალში
- ხელოსნებს შორის, ასევე მომხმარებლებს შორის მანძილი უნდა იყოს 2 მეტრი
- მომხმარებლებს უნდა ეკეთოთ ნიღბები და ხელთათმანები, ხოლო ხელოსნებს ფარები, ნიღბები და საჭიროების შემთხვევაში (მაგალითად, მანიკიური, კოსმეტოლოგი) ხელთათმანი
- ერთ სივრცეში მაქსიმუმ 5 ადამიანის ერთად ყოფნაა შესაძლებელი.
- ვისაც გრძელი თმა აქვს(ხელოსნებს), უნდა დაიმაგრონ
- აკრძალულია მუშაობის პროცესში მობილური ტელეფონების გამოყენება
- დამლაგებელმა ხშირად უნდა წმინდოს იატაკი სადეზიფექციო ხსნარით, ხოლო სველი წერტილები, ყოველი მომხმარებლის შემდეგ
- სილამაზის სალონების მფლობელებმა აუცილებელია შეავსოთ სპეციალური ფორმა, სადაც უნდა მიუთითოთ სატრანსპორტო საშუალებები, რომლითაც თქვენი თანამშრომლები დადიან.
- ადმინისტრატორებმა ყოველი საუბრის შემდეგ ტელეფონი სადიზენფიქსაციო ხსნარით უნდა გაწმინდონ.
გაითვალისწინეთ, რომ ეს წესები ჩვენი მოფიქრებული არ არის, ეს არის მთავრობის დადგენილება, შესაბამისად სხვადასხვა კომენტარებისგან თავი შეიკავეთ!
ჩვენ მზად ვართ, ვითანამშრომლოთ ნებისმიერ თქვენთაგანთან კონსტრუქციული წინადადებებით და გვერწმუნეთ, ჩვენი ინტერესები თანხვედრია.
პატივისცემით, თამუნა შარაშენიძე საქართველოს სალონების ფედერაციის პრეზიდენტი”
აღნიშნულ პოსტს სალონების წარმომადგენლები გამოეხმაურნენ და რეკომენდაციები გააპროტესტეს.
“კიდე დამატებით ხარჯები, რა ღირს დისტანციური სიცხის საზომი, 2 და 3 ლარი არ ეღირება რო ამ უმუშევრობის შემდეგ ყველამ შეძლოს ყიდვა რა უბედურებაა ეს მაშინ ნუ გახსნით საერთოდ და ეგაა”
“ალბათ დაგვცინით ხო? დაგვიკონკრეტეთ 2 მეტრიან დისტანციას როგორ დავიცავ კლიენტთან როცა თმას ვჭრი, წარბს ვაკეთებ, ან ფრჩხილს? მართლა მაინტერესებს, ამდენ მოთხოვნას რომ გვიყენებთ, თვეებია სახლში დავჯექით, გაფორმებული ვართ ფიქსირებულზე და 51 ლარს ვიხდით თვეში (ნუ ყველა სტილისტი ესე არ იქნება ვიცი) კიდე ამდენი ხარჯი საიდან უნდა ავანაზღაუროთ?”
აღნიშნული კომენტარის ქვეშ ფედერაციამ განმარტა, რომ დისტანცია არა კლიენტებთან, არამედ სტილისტებს შორის უნდა იყოს დაცული.
“როცა სალონი 30 კვადრატია. ორნი ვმუშაობთ. თუ ერთმა სიცხე უნდა გაუზომოს. დამლაგებელს და ადმინისტრატორს თუ ავიყვან. ხუთნი უკვე ვიქნებით. კლიენტი როგორ მივიღოთ. ან ქირა როგორ გადავიხადო. ან 3 ახალ თანამშრომელს ხელფასი როგორ გადავუხადო. ეს ხომ შეუძლებელია. ან მე რისთვის ვიმუშაო”
“უკონტაქტო თერმომეტრი 250 დან 350 ლარამდე ღირს და ამ უმუშავრობის ფონზე კიდევ ამხელა ხარჯი რა უბედურებაა, კიდევ მოიფიქრეთ რამე ისეთი რომ საერთოდ ვერ გავხსნათ სალონი”
“მობილურს თუ არ ვუპასუხეთ კლიენტი როგორ მივიღოთ?! ან ორმეტრიან დისტანციას ფენთან რანაირად დაიჭერ ან მანიკურის კლიენტთან, მაგრად გაკლიათ საცოდავებო”
“5 პირი მაქსიმუმ რას ნიშნავს უკაცრავად? ანუ 1 დამლაგებელი, 1 კოსმეტოლოგი, 1 სტილისტი, 1 მანიკურშა – უკვე 5, ასევე ადამიანი კარებში და მომხმარებელი?? ალბათ ვერ გავიგე სწორად”
კომენტარები