სასულიერო პირებს შორის, რუის-ურბნისის ეპარქიაში მომხდარ გახმაურებულ დაპირისპირებასთან დაკავშირებით ახალი დეტალები ხდება ცნობილი. “ნიუპოსტის” ცნობით, მამა დავითს ჩადენილ დანაშაულში საერო პირი ამხელს. ის ერთადერთია, რომელოც ჩაცხრილულ მანქანაში მჯდომებს შორის დუმილს არღვევს და ამბობს, რომ დაინახა თუ როგორ ისვროდა იარაღიდან მამა დავითი მამა საბას მანქანის მიმართულებით.
დაკავებული სასულიერო პირის ადვიკატის თქმით, პირდაპირი და ერთადერთი მოწმის ჩვენებას სასულიერო პირების ჩვენებები აბათილებს. ამავე მანქანაში მამა საბასთან ერთად, კიდევ 4 სასულიერო პირი იჯდა და ყველა მათგანი, მათ შორის მამა საბაც ამბობს, რომ არ დაუნახავს ვინ ჩაიდინა დანაშაული.
ალექსანდრე კობაიძის თქმით, შემთხვევის ადგილიდან ამოღებულია 2 ე.წ. გილზა, ჩაცხრილული მანქანა კი ექსპერტიზაზეა გადაყვანილი, მას 10-მდე ტყვია აქვს მოხვედრილი.
მას შემდეგ, რაც მამა საბა ჟღენტი, მედიასთან ამტკიცებდა, რომ მისთვის არავის უსვრია, არც დაჭრილია, არც მანქანაა დაცხრილული – მოწმე რომელიც მამა დავითს ადებს ხელს – მამა საბასაც უქმნის პრობლემას, რადგან, წესით მისი ქმედება დანაშაულის დამალვა და ცრუ ჩვენების მიცემა გამოდის.
დაკავებული მღვდლის უფლებადამცველები თვლიან რომ გამოძიებას მამა დავითის წინასწარ პატიმრობაში დასატოვებლად მყარი მტკიცებულებები არ აქვს, რადგან ის უდანაშაულოა.
შემთხვევა რუის-ურბნისის ეპარქიაში 20 აპრილს ღამეს მოხდა. გამოძიების ვერსიით, მღვდლებს შორის დაწყებილი კონფლიქტი რიეთის გზაზე სროლით დასრულდა. ამ საქმეზე, დანაშაულის ჩადენიდან 7 დღის თავზე სამართალდამცველებმა ყინწვისის მამათა მონასტრის წინამძღვარი დავითი დააკავეს, მას განზრახ მკვლელობის მცდელობას და იარაღის უკანონო შეძენა-შენახვა-ტარებას ედავებიან.
კომენტარები