468 მომხრე 99 წინააღმდეგი – ისტორიულ გადაწყვეტილებამდე 48 საათით ადრე ევროპის საკანონმდებლო ორგანომ ევროკავშირის გაფართოების შესახებ რეზოლუცია ხმათა უმრავლესობით მიიღო.
“ვგმობთ ორბანის დესტრუქციულ პოლიტიკას – უკრაინა, მოლდოვა და საქართველო ევროინტეგრაციის გზაზე პოზიტიურ გზავნილს იმსახურებენ” – ასეთია ჩანაწერები დოკუმენტის პროექტში, რომელსაც ევროპარლამენტმა კენჭი დღეს უყარა.
რეზოლუციის მიღებამდე კი სტრასბურგში დებატები გაიმართა, რომელსაც ევროკომისიის პრეზიდენტიც ესწრებოდა.
შეგახსენებთ, ბრიუსელში სამიტი, რომელზეც უკრაინის, საქართველოსა და მოლდოვის საკითხზე გადაწყვეტილებები უნდა მიიღონ, 14-15 დეკემბერს გაიმართება და გადაწყდება, გაითვალისწინებს თუ არა ევროპული საბჭო ევროკომისიის რეკომენდაციას, მიენიჭოს საქართველოს კანდიდატის სტატუსი, ხოლო უკრაინა და მოლდოვა გადავიდნენ მოლაპარაკებებს ეტაპზე. ამ დროისათვის გაფართოების პაკეტს უნგრეთის პრემიერი ვიქტორ ორბანი ბლოკავს.
კომენტარები