საარჩევნო უბნებზე ხმებს მესაფლავეები დაითვლიან? – კომისიის წევრების ახალი “თანამდებობები” და ახალი შემოსავლები – მედია

ტვ პირველის ინფორმაციით, ხელისუფლებამ საარჩევნო კომისიის წევრები მესაფლავეებად და სხვადასხვა სამსახურებში გააფორმა, მაგალითად, ციალა ახალქალაქიდან მესაფლავედ გააფორმეს, ნათია ველებიდან – მეეზოვედ; ნონა ჩეკურაანთგორიდან – დამლაგებლად

ასევე, მედიის ცნობით, ხელისუფლებამ არჩევნების წინ, სოციალურად დაუცველთა სტატუსები საარჩევნო კომისიის წევრებს ჩამოურიგა, რაც, მათი ინფორმაციით, პრემიერ მინისტრის გამოცხადებული სოციალურად დაუცველების დასაქმების პროგრამას უკავშირდება.

როგორც “შაბათის ეთერს” უყვებიან, “ქართულმა ოცნებამ” სოციალურად დაუცველთათვის განკუთვნილ დასაქმების პროგრამის ბენეფიციარებს მოსთხოვა არჩევნებზე ქართული ოცნების სასარგებლოდ მუშაობა.

მედიის ინფორმაციით, წინა წლებში ქართული ოცნება აქ ხმებს ნაღდი ფულით ყიდულობდა. 40 ლარი ერთი ხმა, მაგრამ ახლა, ეს ადამიანები სოციალურად დაუცველთა დასაქმების პროგრამაში ჩასვეს და ხელფასსაც ბიუჯეტიდან გადაუხდიან.