ტვ პირველის ინფორმაციით, პუტინის კარის ოლიგარქების ფულის სამალავი საქართველოშია, კერძოდ, მედიის ცნობით, რუსი ოლიგარქი ალიშერ უსმანოვი, რომელიც დიქტატორ ვლადიმერ პუტინის მეგობარია, მილიონებს ქართულ ბანკში ინახავდა.
ტვ პირველის ცნობით, პუტინის უახლოესმა მეგობარმა, ქართული ბანკებით სარგებლობა რუსეთ-უკრაინის ომის შემდეგ, 2022 წლის აგვისტოში დაიწყო.
70 წლის რუს მილიარდერ ალიშერ უსმანოვს უკრაინაში რუსეთის შეჭრიდან მალევე, 2022 წლის 3 მარტს დაუწესდა საერთაშორისო სანქციები.
2023 წლის 12 აპრილს, – ზუსტად მაშინ, როცა შეერთებულმა შტატებმა უსმანოვის კომპანიებს, მათ შორის „მეტალოინვესტს“, დაუწესა სანქციები, – სანქცირებულთა სიაში ბიძინა ივანიშვილის ახლო მეგობარი, „რუსი ოლიგარქების მარჯვენა ხელი“ კრისტოდულოს ვასილიადისიც შეიყვანა.
მისი სანქცირების ერთ-ერთი მიზეზი სწორედ რუსი ოლიგარქის ალიშერ უსმანოვის დახმარება იყო.
ცნობისთვის, 2012 წელს, როდესაც წინა ხელისუფლების დროს, მაშინდელმა ხელისუფლებამ ივანიშვილის „ქართუ ჯგუფის“ აქციები დააყადაღა, სწორედ ვასილიადისი იცავდა „ქართუს“ ინტერესებს, მაშინ ვასილიადისი ამტკიცებდა, რომ ივანიშვილს “ქართუსთან” არავითარი შემხებლობა არ ჰქონია.
დადგენილია, რომ ვასილიადისის ოფშორული კომპანიის, სანქცირებული „ლედრას“ შვილობილი ფირმა, „კრისტა“, წლების განმავლობაში ფლობდა „ქართუ ფონდს“ და „აგრო ქართუს“;
კომენტარები