“ხალხის ძალამ“ ღიად დაიწყო საუბარი ყველა იმ თემაზე, რომელზეც „ქართული ოცნება“ ვერ და არ საუბრობდა” – მეგრელიშვილი

„ხალხის ძალის“ წევრი თამთა მეგრელიშვილი ევროკომისიის დადებით რეკომენდაციას ეხმაურება და წერს:

„მე ვთვლი, რომ „ქართული ოცნება“ და ქართველი ხალხი ამ გადაწყვეტილებით არის ერთი ძალა და ეს ძალიან კარგად გამოიკვეთა გამოჩნდა. რეალურად ევროპამ გამოასწორა ის ისტორიული შეცდომა, რაც მან დაუშვა და რას გულისხმობდა ეს შეცდომა – მას საბაბად და სატყუარად მისცა სტატუსი დესტრუქციულ ძალებს რომლებმაც ქვეყანაში არეულობისთვის გამოიყენეს ის პერიოდი, რაც მათ ხელში ჩაუვარდათ.

ხელისუფლებამ გაიმარჯვა ამ ბრძოლაში, გაიმარჯვა შინ და გარეთ დანაღმულ პოლიტიკურ ველზე ბრძოლაში და ჩვენც მათ შორის, გავიმარჯვეთ, იმიტომ, რომ „ხალხის ძალა“ იყო ერთ-ერთი, რომელმაც ღიად დაიწყო საუბარი ყველა იმ თემაზე, რომელზეც „ქართული ოცნება“ ვერ და არ საუბრობდა პოლიტიკური კონიუნქტურიდან გამომდინარე და დიახ, ეს არის ჩვენი გამარჯვებაც და ქართველი ხალხის გამარჯვება.

ამ პროცესში მნიშვნელოვანია ის, რომ ქვეყანაში იქნეს შენარჩუნებული სტაბილური და თანმიმდევრული განვითარების შესაძლებლობა, იყოს მშვიდობა. კიდევ ერთხელ ხაზგასმით მინდა აღვნიშნო, რომ მნიშვნელოვანია ოპოზიციური სპექტრის მონაწილეობა, იმიტომ, რომ პოლიტიკურ პლურალიზმს, რომელსაც ითხოვს ევროსაბჭო და ევროკომისია, სჭირდება ინკლუზიური პოლიტიკური გარემო და ამაში ლომის წვლილი უნდა გაიღოს ოპოზიციურმა სპექტრმა რომელიც დღეს რატომღაც იბრალებს იმ მიღწევას, რასაც ჰქვია სტატუსი.”