“ნორმალური სუს-ი რომ გვყავდეს, ადამიანები, რომლებმაც ჩვენი თანამოქალაქე მოკლეს, უკვე იქნებოდნენ შავ ყუთებში და დასამარხად გამზადებულები” – ყურუა

„გირჩი – მეტი თავისუფლების“ წევრმა, ბორის ჩელე ყურუამ “რეაქციაში” თქვა:

უნდა გავიაზროთ, რომ ვართ აქტიურ ომში, ეს ქვეყანა არის ომში, გასაგებია, რომ სახლებში მივდივართ და ბომბები არ გვეცემა და სროლის ხმა არ გვესმის, მაგრამ ვიღაცებს ეცემათ.
ძალიან კარგია, რომ ჩვენი მოქალაქე გადმოგვცეს, ცუდია, რომ სუს-ის ხელშია ახლა. ჩვენ რომ ნორმალური სუს-ი გვყავდეს, ის ადამიანები, რომლებმაც ჩვენი თანამოქალაქე მოკლეს, უკვე იქნებოდნენ შავ ყუთებში და დასამარხად გამზადებულები. მაგრამ ჩვენ გვყავს სუს-ი, რომელსაც უფრო აინტერესებს ოპოზიციაში ვინ ვისთან წევს, ვინ ვის ურეკავს, რას ეუბნება,მ ამათ უნდა მოუსმინონ, ადამიანები დააშინონ წინასაარჩევნოდ, იმიტომ, რომ არჩევნები აქვთ მოსაგები და სუს-ი ჰქვია და სახელმწიფო არის მხოლოდ ბიძინა. მომავალში, მომავალმა მთავრობამ კარგი იქნება თუ დაშლიან და საღორეს გახსნიან იმ ადგილას, სადაც დღეს არის, მაგრამ სახალხო უსაფრთხოების სამსახური მაინც დავარქვათ, რომ არ შეეშალოთ.”