დღეს, 3 ნოემბერს ღაზის სექტორიდან რაფაჰის სასაზღვრო გამშვები პუნქტის გავლით ეგვიპტეში უცხოეთის 353 მოქალაქე გადავიდა. ამის შესახებ ინფორმაციას CNN-ი ეგვიპტელ ოფიციალურ პირზე დაყრდნობით ავრცელებს.
გამშვები პუნქტი ისევ გახსნილია, თუმცა უცნობია დღეს კიდევ გადავლენ თუ არა უცხოეთის მოქალაქეები ღაზიდან ეგვიპტეში. უცნობია რომელი ქვეყნების მოქალაქეებმა შეძლეს სექტორის დატოვება.
CNN-ის ცნობით, უცხო ქვეყნის მოქალაქეებს ღაზის სექტორის დატოვების შესაძლებლობა მას შემდეგ მიეცათ, რაც კატარის შუამავლობით და აშშ-ს კოორდინაციით ისრაელს, ჰამასსა და ეგვიპტეს შორის 1 ნოემბერს შეთანხმება შედგა.
ამ დროისთვის ღაზის სექტორიდან ეგვიპტეშია გადაყვანილი 48 დაშავებული პალესტინელიც.
ღაზის სექტორიდან ისრაელზე მოულოდნელი სახმელეთო და სარაკეტო თავდასხმა 7 ოქტომბერს დაიწყო.
კომენტარები