“გუშინ საქართველოში გაიმართა ძალიან ცუდი შეკრება, სადაც პირდაპირ დაუჭირეს მხარი ჰამასს”– ლაგაზიძე

ანალიტიკოსი, ხათუნა ლაგაზიძე, გადაცემა “რეაქციაში” ამბობს:

რა უცნაურიც უნდა იყოს, ამ დიდ აღმოსავლეტში, სადაც დღეს უმწვავესი ფაზაა და სრულიად სამართლიან ომში, ველურობის, ბარბაროსობის, სატანის წინააღმდეგაა ისრაელია, ეს ომი შეიძლება გაფართოვეს და ბევრი ქვეყანა მოიცვას, ამ პირობებში საქართველო დგება ეგზისტენციალური საფრთხის წინაშე, საერთოდ გადარჩება კი? ამავე დროს, მეორეს მხრივ გვაქვს უზარმაზარი პერსპექტივა – ევროკავშირის კანდიდატის სტატუსი ღერძული საკითხია საქართველოს გადარჩენის გზაზე. ნახეთ, რა სივრცეში ვექცევით უსაფრთხოების ფარის გარეშე. 

 საქართველო, როგორც სახელმწიფო ბოლო 30 წელია, არსებობს მხოლოდ და მხოლოდ, იმიტომ, რომ მის სახელმწიფოებრიობას იცავს დასავლეთი.
უსაფრთხოების ფარის სანაცვლოდ რას სთავაზობს ოცნება საზოგადოებას – გახდეს ორგანული წევრი იმ ავტორიტარული სარტყლის, რომელიც დღეს ერთიანად იცავს იმ ბარბაროსობას, რაც 7 ოქტომბერს ვიხილეთ – „ჰამასი“ და ირანი ერთად, ეს კადრები არ უჩვენებიათ, ეს ველურები როგორ კვეთენ ფეხმძიმე ქალს ცოცხლად მუცელზე და ნაყოფს როგორ ჭრიან თავს და მერე როგორ ესვრიან ტყვიას. გამაოგნებელია, ჩვილი ბავშვები დაბმული… ამის შემდეგ, მეორე თუ მესამე დღეს, ჰამასი და ირანი ჩადიან რუსეთში მოლაპარაკებებზე.

სად ვდგავართ? რომელ უსაფრთხოების გარანტიებზე ვსაუბრობთ? სად არის იმის გარანტია, რომ საქართველო არ აფეთქდება? არ დავასახელებ რეგიონს, ისევ სახელმწიფოებრივი ინტერესებიდან გამომდინარე, მაგრამ გუშინ საქართველოში გაიმართა ძალიან ცუდი შეკრება, სადაც პირდაპირ დაუჭირეს მხარი ჰამასს და იმას რაც დღეს ხდება. ზოგადად საქართველოს რეგიონებში ირანის გავლენა და ასეთი ტერირისტული ორგანიზაციების გავლენა არის მზარდი. რა მომენტში შეიძლება აფეთქდეს, არავინ იცის. ამიტომაცა სასიცოცხლოდ აუცილებელი, ბოლო ტოტი, რასაც ყველა ერთად ვეჭიდებით.