რუსმა ოკუპანტებმა საოკუპაციო ხაზის სიახლოვეს, მევლუდ ლაღოშვილი უკანონოდ დააკავეს და ცხინვალში გადაიყვანეს. შუახნის კაცი სოფელ ტახტისძირის მიმდებარე ტერიტორიიდან გაიტაცეს. ლაღოშვილი საქონელს მწყემსავდა.
ადგილობრივები მთავარ არხთან ამბობენ, რომ გუშინ მთელი ღამის განმავლობაში სროლის ხმა ისმოდა – “მთელი ღამე სროლა იყო, ვერ ვიძინებთ შიშით, სოფელში ხალხი შეშინებულია”
გატაცებული ლაღოშვილის ოჯახის წევრები ქარელის პოლიციაში გამოკითხვაზე იმყოფებიან.
საოკუპაციო ხაზთან არსებულ მდგომარეობასთან დაკავშირებით, ამ წუთებში ერგნეთში ინციდენტების პრევენციისა და მათზე რეაგირების მექანიზმის სამუშაო ჯგუფის შეხვედრა იმართება.
ბოლო 24 საათის განმავლობაში რუსმა ოკუპანტებმა საქართველოს ორი მოქალაქე გაიტაცეს. საქართველოს მოქალაქე უკანონოდ დააკავეს გუშინ, საჩხერის მუნიციპალიტეტის სოფელ პერევის მიმდებარე ტერიტორიიდან.
კომენტარები