მეცნიერი, თელ ავივის უნივერსიტეტის, ებრაისტიკის ევროპული ინსტიტიტუტის „პაიდეია“ და ოქსფორდის უნივერსიტეტის იშვიათ ებრაულ ენათა სკოლის კურსდამთავრებული, ბრიტანული Polonsky-ის პრიზიორი, ლაშა შაყულაშვილი:
ისრაელსა და ჰამასს შორის მიმდინარე ომში ადამიანები მხოლოდ ჯარსა და თავდაცვის რაზმებში არ გამოცხადებულან. მოხალისეები, ფრონტის წინა ხაზზე, საბრძოლველად სხვადასხვანაირად მიდიან.
მოხალისეები სამხრეთ ისრაელის იმ დასახლებებში მიემართებიან, სადაც ადამიანები წარმოუდგენელი სისასტიკით ამოჟლიტეს და სადაც ცხოველები მოსავლელები არიან. დგანან და ფერმებში მუშაობენ. შეგიძლიათ მოხალისედ გამოცხადდეთ და სამხრეთში ძროხების მოსაწველად წახვიდეთ.ომში ბრძოლის ეს მეთოდიც არანაკლებ ღირსეულია.ამ წამისათვის, ღაზის სექტორიდან, 8000-მდე რაკეტა გვესროლეს. რკინის გუმბათმა დაგვიცვა, თორემ ისრაელს რუკაზეც ვერ იპოვნიდით. ისრაელი კი მეთორმეტე დღეა რაც ღაზის სექტორის მოსახლეობას სამხრეთში გადასვლას აცდის, სანამ სახმელეთო ოპერაციას დაიწყებს. ჰუმანიტარული დახმარების პირველი 20 სატვირთო მანქანა ეგვიპტიდან ღაზის სექტორში უკვე შევიდა. ჰამასი კი პირწმინდად ძარცვავს ყველა ჰუმანიტარულ მისიას და მშვიდობიან მოსახლებას ყველა საარსებო რესურსს ართმევს.რაც მთავარია, ჰამასის სრული მმართველი რგოლი ყატარშია და სიტუაციას იქიდან აკონტროლებს, თუმცა საკუთარ მშვიდობიან მოსახლეობას ისრაელის რაკეტებს პირდაპირ უშვერენ და შემდეგ დაღუპული ბავშვების სტატისტიკით სამყაროს ეთამაშებიან. ჩვენ გაუჩერებლად გვესვრიან; ჩვენი მოხალისეები ფრონტის წინა ხაზზე არიან და ფიზიკური ბრძოლის გარდა – სასტიკად მოკლული ადამიანების ფერმებს და პირუტყვს უვლიან.ყველა ქვეყანაში და ებრაულად გაზრდილ ყველა ბავშვს ადრეული ასაკიდან რაბი ჰილლელის სიტყვებს უმეორებენ – “თუ ახლა არა – მაშინ როდის? თუ მე არა – მაშინ ვინ?!”. პირველად განვიცადე ერთობა ერში, რომელიც დარწმუნებულია რომ ერთმანეთის ინტელექტის და შესაძლებლობების იმედი გვაქვს!სანამ ჰამასის უფროსობა ყატარიდან გვაკვირდება და ახალ სცენარს ადგენს – სამყაროს დიდმა ნაწილმა ჰამასის განცხადება 1 წამში დაიჯერა და ისრაელი საავადმყოფოს დამბობმავ ტერორისტად შერაცხა. იგივე ნაწილმა, რომელმაც რაღატომღაც გადაწყვიტა რომ ერთადერთი ქვეყანა მსოფლიოში, რომესაც ომის მოგება არ ეპატიება არის ისრაელი! ქვეყანა, რომელსაც მძინარეს დაესხნენ და 1400 ადამიანი რამდენიმე საათში მხეცურად ამოუჟლიტეს – მხოლოდ იმის გამო რომ ისინი ებრაელები იყვნენ.
სანამ ბავშვებზე შემეკითხებით – მანამდე გეტყვით: ყველა მოკლული ბავშვის სისხლი სამყაროს ერთნაირად აზანზარებს. მე მეცოდება ქფარ აზაში თვალებამოთხრილი და თითებდაჭრილი ყველა ისრაელელი ბავშვი, რომლებიც მშობლებს მიაბეს და ისე აწამეს და რომელთა კადრები ინტერნეტში დევს. მეცოდება ყველა პალესტინელი ბავშვი, რომელსაც ყატარში მომჯდარი ჰამასის მმართველობა ისრაელის რაკეტებს სპეციალურად უშვერს, რათა მათი სტატისტიკით სამყარო ისრაელის გადადგურებაში დაარწმუნოს. მეცოდება ყველა ადამიანი, ვინც ვერ ხვდება რამხელა ბოროტებას ებრძვის ეს სახელმწიფო და ცალკე მოგიკითხავთ ყველას, ვინც თქვენი არასრულფასოვნების, უმეცრების და უზადო ამბიციების რეალიზებას ამ ამბავში ჰამასთან არაპირდაპირ ფლირტში ახდენთ.
კომენტარები