“გაეღიმა, მეღსი ბოკუ, მეღსი ბოკუო და ასე, 3-4 მეტრში ვიღაც ტიპი გააჩერა და ეკითხება…” – რას წერს ბექა ყორშია

რუსთაველზე ვიღაც ტურისტი ინგლისურად მეკითხება, ქაშუეთის ეკლესია საით არისო. ეგრევე მივხვდი, რომ ფრანგი იყო. აჰა, მომეცა უდიადესი შანსი ოჯახს დავუმტკიცო, რომ ინვესტიცია, რომელიც თავის დროზე ჩემი ფრანგულის სწავლაში ჩადეს, წყალში არ გადაყრილა-მეთქი. ხო ფრანგი ხარ ? – ვკითხე ფრანგულად. კი, ფრანგი ვარო. ჰოდა, პირდაპირ რომ წახვალ, 40-50 მეტრში მიწისქვეშაა და მაგით მეორე მხარეს გადახვალ და ეგრევე ქაშუეთის ეკლესიას მიადგები-მეთქი. გაეღიმა, მეღსი ბოკუ, მეღსი ბოკუო და წავიდა. თვალი გავაყოლე და ასე, 3-4 მეტრში ვიღაც ტიპი გააჩერა და ეკითხება: “სორი, ვეარ იზ ქაშვეთი ჩერჩ ?”