ნასაკირალის უღელტეხილზე ერთმანეთს მიკროავტობუსი და მსუბუქი ავტომობილი შეეჯახა, შემთხვევის შედეგად 9 ადამიანი დაშავდა, – ინფორმაციას “გურია TV” ავრცელებს და წერს, რომ არსებული ინფორმაციით, ისინი გეგმიურ დიალიზზე მიდიოდნენ.
დაშავებულები ოზურგეთის კლინიკა “მედალფაში” გადაიყვანეს, საიდანაც ისინი იმ დაწესებულებაში გადაიყვანეს, სადაც ისინი დიალიზის მომსახურების მიღებას შეძლებენ. როგორც გამოცემასთან კლინიკა “მედალფას’ დირექტორმა, დავით მდინარაძემ განაცხადა, დაშავებულებს მოტეხილობები და თავის ტვინის ტრავმა აღენიშნებოდათ.
კომენტარები