დეპუტატი, იაგო ხვიჩია, პარლამენტში, პრეზიდენტის იმპიჩმენტის პროცესზე, სალომე ზურაბიშვილს ეკითხება:
ქალბატონო პრეზიდენტო, მე მაინტერესებს, თუ ეს პროცესი ნამდვილია, თუ ნამდვილად მიგაჩნიათ, რომ თქვენ იმპიჩმენტს აპირებს ქართული ოცნება, თუ მიგაჩნიათ, რომ მათი საგარეო პოლიტიკა თქვენსას ეწინააღმდეგება, თქვენ პროდასავლელი ხართ და ქართული ოცნება პრორუსია, თუ გაწუხებთ ის, რომ ჩვენი პარტნიორები ქართველ მოსამართლეებს ასანქცირებენ, გქონდათ და გაქვთ შესაბამისი უფლებამოსილებები, თქვენ ხელთ არსებული მაქსიმუმი გააკეთოთ და ვალდებული ხართ, თუ გესმით რომ ქვეყანა ასეთ მდგომარეობაშია, ვალდებული ხართ მინიმუმ, პოზიცია დააფიქსიროთ, რატომ არ აფიქსირებთ პოზიციას სასამართლოსთან დაკავშირებით? შეწყალების მექანიზმის ეფექტურად გამოყენებით რატომ არ შედიხართ მართლა წინააღმდეგობაში ქართულ ოცნებასთან სადაც მას მართლა სუსტი წერტილი აქვს? რატომ არ ცდილობთ ადამიანები, რომლებიც უსამართლოდ იჩაგრებიან ქვეყანაში, სადაც სასამართლო არგვაქვს, გაათავისუფლოთ? რატომ უწყობთ ქართულ ოცნებას ხელს რომ აირჩიონ მათთვის მისაღები კანდიდატები? რატომ არ ცდილობთ მართლა იმეგობროთ რომელიმე პოლიტიკური პარტიებთან? მართლა, შინაარსიანად და ბოლოს და ბოლოს რატომ არ დაადეთ ვეტო ჯარის კანონს? რატომ იქცევით ისე, რომ ნორმალურ ადამიანს ყოველთვის ექნება განცდა, რომ თქვენ შეთანხმებული ხართ ქართულ ოცნებასთან?
კომენტარები