“ჭორაობა”, თუ “სიმწვავე” – აშშ–ის ახალი ელჩი და პოლიტიკური მოლოდინები

ამერიკის ახალი ელჩის, რობინ დანიგენის უფლებამოსილების ათვლა, სავარაუდოდ, დღეს საღამოდან დაიწყება.

რწმუნებათა სიგელს დეგნანის შემცვლელს პრეზიდენტი ზურაბიშვილი და საგარეო საქმეთა მინისტრი გადასცემს.

ოპოზიციაში ფიქრობენ, რომ ბაიდენის გუნდის რწმუნებით თბილისში ჩამოსული დიპლომატი ისეთივე მწვავე იქნება, როგორც მისი წინამორბედი. ოცნების წევრები კი ამბობენ, რომ იმედი აქვთ, ახალი ელჩი აღარ “იჭორავებს”.

სალომე სამადაშვილი, “ლელო”:

“ჩვენ ვიცით, რომ ის არის ძალიან გამოცდილი დიპლომატი და შესაბამისად, რა თქმა უნდა, ჩვენთვის, იმიტომ, რომ “ლელო” მოიაზრებს აშშ-ს ჩვენს მთავარ სტრატეგიულ მოკავშირედ. ჩვენ ძალიან დიდი იმედი გვაქვს, რომ ელჩის ჩამოსვლა კიდევ უფრო გააძლიერებს ამერიკელი ხალხის და ამერიკის სახელმწიფოს მხარდაჭერას”

ბექა ოდიშარია, “ქართული ოცნება”:

“მე მივესალმები ახალი ელჩის ჩამობრძანებას. ძალიან კარგია, რომ პირველი დიპლომატი უკვე ჰყავს აშშ-ს მისიას და დარწმუნებული ვარ, რომ თუ იქნება ჩვენს შორის კოლეგიალური, ობიექტური, დისკუსიებზე დაყრდნობით, არა ჭორიკანა ოპოზიციონერებზე და მათთან აფილირებულ ე.წ. არასამთავრობო გაქსუებულ ორგანიზაციებზე, იქნება ყველაფერი პროდუქტიული”