„შეკრებებისა და მანიფესტაციების შესახებ“ კანონი პრეზიდენტთან არ გაიგზავნება და მისი ხელმოწერის გარეშე შევა ძალაში, – ეს განცხადება “ქართული ოცნების” თავმჯდომარემ “იმედთან” გააკეთა.
დღეს დილით ჟურნალისტებთან ირაკლი კობახიძე არ გამორიცხავდა, რომ კარვების აკრძალვის შესახებ კანონზე სალომე ზურაბიშვილს ვეტო დაედო – პარტიის თავმჯდომარე ამტკიცებდა, რომ პრეზიდენტი ოპოზიციასთან სრულ ალიანსშია, რის გამოც შესაძლებელია მან ვეტოს უფლება გამოიყენოს. როგორც ჩანს მმართველ გუნდს იმდენად ეჩქარება კანონის ძალაში შესვლა, რომ ყველანაირ გზას გამოიყენებს ამისათვის.
“გადავწყვიტეთ, შეკრებების შესახებ კანონში ცვლილებები არ გავუგზავნოთ პრეზიდენტს ხელმოსაწერად, რადგან ეს კანონი პარლამენტმა არა საქართველოს კონსტიტუციის 45-46-ე მუხლების, არამედ 36-ე მუხლის საფუძველზე მიიღო. შესაბამისად, კანონი პრეზიდენტის ხელმოწერის გარეშე, დაუყოვნებლივ შევა ძალაში“, – აღნიშნა კობახიძემ.
კომენტარები