“რა გამოდის, საზღვარგარეთ გვინდა ცივილიზებულად მოქცევა და შინ – არა?” – მერაბ მეტრეველი

ჟურნალისტი, მერაბ მეტრეველი:

“ამ ფოტოს ვდებ ერთადერთი მიზეზით:

ქართულ ტელევიზიებს საზღვარგარეთ ვიზიტების დროს თუ შეგვიძლია ჯგუფური ინტერვიუები ე. წ. ანკესზე დამაგრებული მიკროფონებით ვწეროთ და პირში არ შეუვარდეთ რესპონდეტს, საქართველოში იგივეს გაკეთება რატომ არის შეუძლებელი?

„ანკესი“ საშუალებას იძლევა ჭეჭყის და მიკროფონის პირში შეთხრის გარეშე ჩაწერო რესპონდენტი და ასევე საშუალებას გაძლევს ოპერატორს წინ არ დაუდგე და არ ჩამოეფარო. ყოვლემხრივ კარგი გამოგონებაა და არც ისეთი ძვირი ღირს, რომ საჭირო რაოდენობით ვერ შეიძინოთ.

იქნებ სხვადასხვა ტელევიზიების პროდიუსერები ერთმანეთში შეთანხმდეთ და დავასრულოთ ეს მიკროფონებით ხმალაობა რესპონდენტის სახესთან და ოპერატორების ყვირლი – ჩაიკუზეთ, კადრს მიფარავთ!

თქვენ გსიამოვნებთ?

ან რა გამოდის, საზღვარგარეთ გვინდა ცივილიზებულად მოქცევა და შინ – არა?”