“შესაძლოა საკონსტიტუციოს მოსამართლეებსაც საერთაშორისო სანქციები ელით, ტყუილად გაყვეს თავი ამ საშარო საქმეში”– კახა გოგოლაშვილი

ინტელექტის დეფიციტი

1. კობახიძემ პროცესზე ასე დაასკვნა: “რახან პრეზიდენტმა ბიუჯეტიდან ფული არ დახარჯა ესე იგი იცოდა, რომ მისი ვიზიტი არალეგიტიმური იყოო.” ეს რა, ერთად ერთი შესაძლო ლოგიკური კონსტრუქციაა? რატომ არ შეიძლებოდა ეთქვა, რომ პრეზიდენტს უნდოდა ოფიციალური ვიზიტით წასულიყო და სახელმწიფოს სახელით ეწარმოებინა მოლაპარაკებები. ამაზე თანხმობა ვერ მიიღო, ამიტომ ხელი აიღო განზრახვაზე და გაემგზავრა კერძო ვიზიტით. არა როგორც სახელმწიფოს წარმომადგენელი, არამედ, კერძო პირი, რომელსაც პატივს სცემენ და უსმენენ ევროპაში. ასე სცადა ქვეყნისთვის კეთილი საქმის გაკეთება. განა კერძო პირს ეკრძალება ქვეყნის სასიკეთოდ ვინმესთან საუბარი?

2. კობახიძე ამბობს: “გერმანიაში ინტერვიუ მისცა სადაც აღიარა ოფიციალურ ვიზიტზე უარი მითხრეს და გადავწყვიტე არაოფიციალურად ჩამოვსულიყავიო”. ამის გამო კობახიძე ამბობს – ეს პირდაპირი აღიარეებაა იმისა, რომ მან იცოდა – არაკონსტიტუციურ საქციელს ჩადიოდაო.” ესეც აბსურდული და ინფანტილური ინტერპრეტაციაა, და რაც მთავარია, მგონი კობახიძეს გონია, რომ ძალიან მაგარ მხილებას მიაგნო. სალომეს სულაც არ უფიქრია, რომ მისთვის უცხოეთში წასვლის ფაქტიური აკრძალვა კონსტიტუციური, სამართლიანი, ან ქვეყნისთვის არასაზიანო იყო. ის უბრალოდ განერიდა პრემიერთან ინსტიტუციურ კონფლიქტს და კერძო ვიზიტით გაემგზავრა, რისი აკრძალვაც მისთვის არავის შეუძლია საქართველოში. და არა მარტო პრეზიდენტს, ამას კანონის ძალით ვერც ერთ მოქალაქეს ვერ აუკრძალავ. და თუ ამ კომიკურ პროცესზე კონსტუტუციონალისტ კობახიძესაც კი ასეთი უსუსური არგუმენტები მოყავს, მაშინ ოხანაშვილმა რაღა უნდა დაუმატოს?

დიდი სირცხვილი ელის წინ ოცნებას და, შესაძლოა საკონსტიტუციოს მოსამართლეებსაც, რომლებსაც, თუ სამართლიანად არ წარმართეს პროცესი, საერთაშორისო სანქციები ელით. ტყუილად გაყვეს თავი ამ საშარო საქმეში.