“მოგიწოდებთ, მიხეილ სააკაშვილის გათავისუფლება იყოს დემოკრატიისკენ გადადგმული ყველაზე დიდი ნაბიჯი” – ამის შესახებ “ქართლი ოცნების” მმართველობის 11 წელთან დაკავშირებით, კლინიკა “ვივა მედთან” ნაციონალური მოძრაობის წევრმა, სოფო ჯაფარიძემ ისაუბრა.
მისივე თქმით, დღეს, “ოცნების” ხელისულფლების ყველაზე დიდი თავისტკივილი მიხეილ სააკაშვილია.
“ვუყურებთ, თუ რა მდგომარეობაში არის დღეს ხელისუფლება და ვუყურებთ, რომ დღეს მათთვის ყველაზე დიდი თავის ტკივილი არის, სწორედ მიხეილ სააკაშვილი, რომელიც პატიმრობიდანაც ახერხებს, რომ იყოს წინა ხაზზე ოლიგარქთან და რუსეთთან ბრძოლაში. ყველას კარგად გვახსოვს, თუ როგორი აბსურდული ბრალდებით დააკავეს ის. სინამდვილეში, ივანიშვილს ყველაზე მეტად ეშინია საერთაშორისოდ აღიარებული პოლიტიკოსისა და რეფორმატორის თავისუფლად ყოფნა.
ჩვენ ბოლო თვეების ახალ ამბებს ვუყურებთ, რომ დღე არ გავა “ქართულმა ოცნებამ” განცხადება
განცხადებაზე არ აკეთოს მიხეილ სააკაშვილის შესახებ. ხელისუფლებას ინტენსიურად მოუწოდებენ როგორც დასავლელი ლიდერები, ასევე ევროპარლამენტარები, ძალიან გავლენიანი ორგანიზაციები, რომ ადეკვატური მკურნალობის მისაღებად გადაეყვანათ ის ან გაეთავისუფლებინათ, თუმცა შედეგს ვხედავთ. ხელისუფლებას აუცილებლად მოუწევს მიხეილ სააკაშვილის გათავისუფლებას.
მათ ცივი უარი განუცხადეს უკრაინის პრეზიდენტის, მრავალ პარლამენტარსა და დასავლელ ლიდერებს, თუმცა ისინი წინააღმდეგობას ვერ გაუწევენ მიხეილ სააკაშვილის ასიათასობით მხარდამჭერს. დღეს, როცა ქვეყანა რის უმძიმეს მდგომარეობაში არ არის დაპირისპირებისა და აგრესიის დრო, ჩვენი სურვილია, რომ მიხელ სააკაშვილი გათავისუფლება იყოს დემოკრატიისკენ გადადგმული ყველაზე დიდი ნაბიჯი, წინააღმდეგ შემთხვევაში ყველა კარგად უნდა იცოდეს და ყველას კარგად უნდა ახსოვდეს, რომ ქართველი ხალხი არ დაუშვებს მიხეილ სააკაშვილის სასიკვდილო განაჩენს” – ამბობს სოფო ჯაფარიძე.
კომენტარები