მეოთხე პრეზიდენტის ადმინისტრაციის ყოფილი შეფი ვანო მაჭავარიანი უსუფაშვილის გუშინდელ სკანდალურ ინტერვიუს ეხმაურება და ამბობს, რომ მან კიდევ ბევრი რამ იცის, თუმცა ეს მარგველაშვილის, უსუფაშვილის, ივანიშვილის თემებია და აცხადებს, რომ დეტალებში შესვლას არ აპირებს.
მარგველაშვილის მარჯვენა ხელი ამბობს, რომ ფაქტია, რომ პრეზიდენტის გადაყენების მცდელობები ხელისუფლების სტილია. ვანო მაჭავარიანის თქმით, ამ ფაქტს არა მხოლოდ მარგველაშვილის, არამედ ზურაბიშვილის მაგალითიც ცხადყოფს.
მაჭავარიანი ასევე აცხადებს, რომ მეხუთე პრეზიდენტისგან განსხვავებით, მეოთხე პრეზიდენტი თანამდებობაზე მოსვლის პირველი დღიდან პრინციპული იყო.
ანუ პრინციპულად რა იყო არასწორი, რაც მე ვთქვი, რაც ბატონმა უსუფაშვილმა მე შემომჩივლა? ანუ ფაქტია, რომ „ქართული ოცნება“ მოუწოდებდა მარგველაშვილს გადადგომისკენ. ფაქტია, რომ ეს სერია გაგრძელდა. არ შევალ პირად საუბრებში, მეც ვიცი ბევრი რამე, მაგრამ ეს მარგველაშვილის, უსუფაშვილის, ივანიშვილის თემებია და თავისთავად ის, რომ ეს მათი სტილია, ზუსტად ამაზე ვსაუბრობდი, რომ აიძულონ, მიაგზავნონ ადამიანები და თქვან, იშუამავლოს ვიღაცეებმა, რომ გადადგეს ადამიანი პოსტიდან, ამას ჩვენ ვხედავთ სალომე ზურაბიშვილთან მიმართებაში, რომ მას უქმნიან ყველა პირობას და აიძულებენ, რომ გადადგეს. ვისთვის ამზადებდნენ ამ სკამს, ეს ნაკლებად მნიშვნელოვანი იყო. ჩვენთვის მნიშვნელოვანი იყო, რომ პრეზიდენტს მარგველაშვილს გაეგრძელებინა თავის საქმიანობა.
ეს დაძაბულობა 2 თვის თავზე არ იყო. ეს მოხდა ძალიან მოკლე პერიოდში. უფრო ადრე. ამიტომ ყველას აქვს თავისი რუბიკონი, რომელსაც ის კვეთს ან არ კვეთს და ამ შემთხვევაში, ზურაბიშვილისთვის ეს არის ევროინტეგრაცია, მარგველაშვილისთვის იყო კონსტიტუციის პრინციპულად დაცვა. მარგველაშვილი გაცილებით პრინციპული, დამოუკიდებელი პრეზიდენტი იყო პირველივე დღიდან მისი არჩევიდან, ვიდრე ქალბატონი სალომე, რომელიც მხოლოდ და მხოლოდ 5 წლის თავზე გამოფხიზლდა, – ამბობს მაჭავარიანი.
შუშისს სასახლის ინტრიგები საჯაროზე დავით უსუფაშვილმა გამოიტანა. პარტია “ლელოს” ლიდერი “რეაქციიისთვის” მიცემულ ინტერვიუში დახურული შეხევდრის დეტალებს ყვება. იხსენებს პერიოდს, როცა ივანიშვილი თითქოს პოლიტიკიდან წასული იყო, თუმცა მაინც შეეძლო, პრეზიდენტი ცალკე ოთახში გაეყვანა და თანამდებობიდან წასვლაში დაერწმუნებინა.
უსუფაშვილი იხსენებს მოტივსაც. როგორც გაირკვა, მარგველაშვილი და ღარიბაშვილი მაშინ საკუთარ პოლკიტიკურ როლებზე ვერ შეთანხმდნენ.
კომენტარები