მსახიობი, სოსო ჯაჭვლიანი წერილს წერს, სადაც ის საზოგადოებას მიმართავს და მადლობას უხდის თანადგომისთვის. წერილი ambebi.ge-ს სოსო ჯაჭვლიანის მეგობრებმა გადასცეს.
20:25 / 01-08-2023
“უკვე სამი წელია ვებრძვი ვერაგ დაავადებას… სიცოცხლე მხოლოდ იმიტომ ღირს, რომ ამდენი ადამიანის გვერდში დგომა და სიყვარული მენახა” – რას წერს სოსო ჯაჭვლიანი
მსახიობი და სპორტსმენი სოსო ჯაჭვლიანი, რომელიც მძიმე სენს ებრძვის, რამდენიმე კვირაა თურქეთში იმყოფება და მკურნალობის კურსს გადის.
მსახიობის მეგობარი ერეკლე საღლიანი ჯაჭვლიანის მდგომარეობაზე ახალ ინფორმაციას პერიოდულად აწვდის მედიასაშუალებებს. AMBEBI.GE-სთან დღევანდელ ინტერვიუში პოეტი მეგობრის შესახებ ამბობს:
“სოსო ამჟამად იმყოფება თურქეთში. მადლობა უფალს, რომ მკურნალობამ შედეგი გამოიღო. ის უკეთაა, ის კი არა და, წონაში მოიმატა კიდეც. გახარებული ვართ ყველა და დარწმუნებულიც ვარ იმაში, რომ გამოჯანმრთელდება, ჩვენს გვერდით იქნება, ჩვეული ენერგიით შეუდგება თავის საქმიანობას”. წაიკითხეთ იტერვიუ სრულად
ცოტა ხნის წინ ambebi.ge-ს სოსო ჯაჭვლიანის მეგობრებმა გადასცეს წერილი, რომელსაც მსახიობი თავად წერს. ის საზოგადოებას მიმართავს და მადლობას უხდის თანადგომისთვის.
“რამდენიმე დღის წინ სოციალურ ქსელში დაიდო ვიდეო, რომელიც ჩაწერა დათო გიორგობიანმა. ნაფოტამ. უკვე სამი წელია ვებეძვი ვერაგ დაავადებას. ამ ხნის მანძილზე განმავლობაში ერთხელაც არ დამიჩივლია საჯარო სივრცეში.
ნაფოტას ვიდეომ ძალა შემმატა, უფრო მეტად კი ხალხის სიყვარულმა და თანადგომამ. ყველას ძალიან დიდი მადლობა მინდა გადავუხადო.სიტყვები არ მყოფნის ისეთი მადლიერი ვარ. ყველას სახელსა და გვარს ვერ ჩამოვთვლი, რადგანაც ბევრნი არიან. სიცოცხლე მხოლოდ იმიტომ ღირს, რომ მენახა ამდენი ადამიანის გვერდში დგომა და სიყვარული. პატივისცემით და დიდი სიყვარულით სოსო ჯაჭვლიანი.” – წერია წერილში.
კომენტარები