„ჩვენ შევქმენით „გამარჯვების პლატფორმა“, სადაც ძალიან ბევრი ადამიანი იქნება და თქვენი ტელევიზიების მეშვეობით შემიძლია დაგიდასტუროთ, რომ უახლოეს დღეებში თქვენ კიდევ ძალიან საინტერესო ადამიანებს ნახავთ „ნაციონალურ მოძრაობაში“.
ჩემი მთავარი ამოცანა არის „გამარჯვების პლატფორმა“ გავაძლიერო და ყველაფერს გავაკეთებ ამისთვის. კონკრეტული ადამიანები, კონკრეტული სუბიექტების კონკრეტული სურვილი არის, რომ სხვა რეალობა აჩვენონ ხალხს, მაგრამ მე ვაკეთებ საქმეს „ნაციონალური მოძრაობა“ ძლიერდება, შევქმენით „გამარჯვების პლატფორმა“ და პირველები ვიყავით, ვინც გაერთიანებისკენ ნაბიჯი გადადგა და ასევე, უახლოეს დღეებში შეგიძლიათ მოუყვეთ საზოგადოებას, რომ „ნაციონალურ მოძრაობაში“ კიდევ იქნება ბევრი, ძალიან საინტერესო სიახლეები და ისეთი ადამიანები შემოგვიერთდებიან, რომლებიც ძალიან მნიშვნელოვნად გაძლიერებენ „ნაციონალურ მოძრაობას“ – აცხადებს ენმ-ის თავმჯდომარე ლევან ხაბეიშვილი ჟურნალისტის კითხვის პასუხად, გახარიასთან თანამშრომლობასთან დაკავშირებით.
კომენტარები