უკრაინული მედია Українська правда-ს წყაროზე დაყრდნობით ავრცელებს ინფორმაციას, რომ 24 ივლისის ღამეს მოსკოვზე დრონებით თავდასხმა უკრაინის თავდაცვის სამინისტროს მთავარი სადაზვერვო სამმართველოს სპეცოპერაცია იყო.
“მოხალისეებისა და სტრუქტურების თანამშრომლობა გვაძლევს კარგ შედეგს, გაგრძელება იქნება”, – თქვა წყარომ თავდაცვისა და უსაფრთხოების სექტორიდან.
წყარო ამბობს, რომ მოსკოვში გაშვებული დრონებიდან ყველამ მიაღწია, თუმცა რაოდენობას არ აკონკრეტებს.
ინფორმაცია ჯერ ოფიციალურ კიევს არ დაუდასტურებია.
მიუხედავად იმისა, რომ რუსული პროპაგანდა ამტკიცებს, თითქოს ყველაფერი წესრიგშია, კადრები საპირისპიროზე მეტყველებს. ვიდეკადრებში დანგრეული შენობები და ჩამოცვენილი სამშენებლო მასალა ჩანს. ადგილზე ამ დრომდე რუსული საპოლიციო ძალები მუშაობენ. ტერიტორია, სადაც დრონებით შეტევა გახორციელდა, მკაცრად კონტროლდება.
კომენტარები