,, თუ ასე გაგრძელდა, ონკანის შემკეთებელი ხელოსანიც კი არ დარჩება ქვეყანაში” – რომან გოცირიძე

პარლამენტარი რომან გოცირიძე:

,,კიდევ ერთი ცხრილი, რომელიც ამხელს მთავრობის მიერ გაპიარებულ სტატისტიკას მანიპულაციაში.

ქვეყანაში დასაქმებულ ადამიანთა რაოდენობა წლითიწლობით მცირდებოდა, მაგრამ ეს საგანგაშოდ არ აღიქმებოდა, რადგან აქ არ ჩანდა ის ფაქტი, რომ ქვეყანას როცა ტოვებდნენ საქარათველოს მოქალაქეები, მათ ადგილს უცხოელები იკავებდნენ.

პრემიერ-მინისტრმა ახლახან თავის წლიურ მოხსენებაში სიამაყით გვამცნო, რომ 2022 წელს დასაქმებულთა რაოდენობა მნიშვნელოვნად გაიზარდა 2021 წელთან შედარებით. არა და გასულ წელს 101 ათასმა ჩვენმა მოქალაქემ დატოვა ქვეყანა და დარჩა უცხოეთში საცხოვრებლსდ. იმავე წელს წინა წლებში წასულებიდან რამდენიმე ათასი ასევე დაბრუნდა უკან და წასულებსა და დაბრუნებულებს შორის უარყოფითმა სალდომ 47 ათასი ადამიანი შეადგინა. უკან დაბრუნებული იმავე წელსვე რომ იშოვიდა აქ სამუშოს და ეს რომ არაა გარანტირებული, ადვილი მისახვედრია, მაგრამ ასეც რომ იყოს, მაშინ საიდან მაინც დასაქმებულთა ამოდენა ზრდა? რა თქმა უნდა უცხოელების, ძირითადადად რუსეთის მოქალაქეების ხარჯზე.

მხოლოდ 2022 წელს უცხო ქვეყნის( ძირითადად, რუსეთის) მოქალაქეებმა ინდმეწარმის სტატუსით დაარსეს 21 ათასი საწარმო, რაც ავტომატურად ნიშნავს მათ დასაქმებას, თუ მათ ანგარიშზე ერთი ლარი მაინც გადმოირიცხა ან ერთი საათით მაინც თუ სადმე დასაქმდა მისი დამფუძნებელი ( თუნდაც დისტანციურად). ასეთია სტატისტიკური მეთოდოლოგია. არაფერს ვამბობ მათ მიერვე დაფუძნებულ რამდენიმე ათას შპს-ზე, სდაც რეალური ბიზნესები იქმნება და სადაც ძირითადად სხვა ქვეყნის მოქალაქეების დასაქმება ხდება.

თუ ასე გაგრძელდა, ონკანის შემკეთებელი ხელოსანიც კი არ დარჩება ქვეყანაში.”