თბილისის საჯარო საბავშვო ბაგა-ბაღებში 2023-2024 სასწავლო-სააღმზრდელო წლისათვის რეგისტრაცია დღეს დაიწყება. ის სამ ეტაპად წარიმართება. თბილისის საბავშვო ბაგა-ბაღების მართვის სააგენტოს ვებგვერდზე პირველი ეტაპი დღეს, 10:00 საათზე იწყება და 15 ივლისის ჩათვლით გაგრძელდება. რეგისტრაციას გაივლიან მიზნობრივი სოციალური ჯგუფის წარმომადგენელი ბავშვები. რეგისტრაციის გავლას შეძლებს ყველა ის ბავშვი, რომელსაც სასწავლო-სააღმზრდელო წლის დასაწყისში, 18 სექტემბრის მდგომარეობით, შეუსრულდება 2 წელი.
იმ შემთხვევაში, თუ მშობელი ვერ ახერხებს ბავშვის ელექტრონულ რეგისტრაციას, შეუძლია განცხადებით მიმართოს საცხოვრებელ ადგილთან ახლოს მდებარე რაიონულ სერვისცენტრს ან სასურველ საბავშვო ბაგა-ბაღს. რეგისტრაციის მეორე ეტაპი 17 ივლისს დაიწყება, მესამე ეტაპი კი – 25 ივლისს.
კომენტარები