ლუბლინის პოლიციელებმა პოლონეთის სხვადასხვა კუთხეში ძარცვისთვის ორი ქართველი დააკავეს. ამის შესახებ ადგილობრივი მედია წერს.
გამოცემის ცნობით, შენობებში მოსახვედრად ქართველები თავს მშენებლებად ან ყვავილების გამყიდველებად ასაღებდნენ. მძარცველები ხშირად იცვლიდნენ იმიჯსაც. ერთ-ერთი მათგანი, სხვა დანაშაულებში იყო ეჭვმიტანილი და ინტერპოლით იძებნებოდა.
დაკავებულები ეჭვმიტანილები არიან ფულის და ძვირფასეულობის მოპარვაში. ერთ-ერთი ძარცვის დროს, ისინი შვილის ბინაში მისულმა ქალმა აღმოაჩინა. მოძალადეებმა ქალს დაარტყეს და ძვირფასეულობასთან ერთად გაიქცნენ.
როგორც გამოცემა წერს, დაკავებულია 37 და 42 წლის ორი ქართველი ვროცლავში. მათ მანქანაში 200 000-მდე ზლოტი და სამკაულები აღმოაჩინეს.
ორივე მამაკაცი სასამართლოს გადაწყვეტილების შემდეგ დააკავეს. მათ 10 წლამდე თავისუფლების აღკვეთა ემუქრებათ.
კომენტარები