ლევან ჯავახიშვილი
„ალიას“ ესაუბრება „ლეიბორისტული პარტიის“ გენერალური მდივანი, გიორგი გუგავა.
– ბატონო გიორგი, უკრაინის პრეზიდენტმა, ზელენკიმ საქართველოს ელჩს უკრაინაში, 48 საათში ქვეყნის დატოვება მოსთხოვა და საქართველოდან უკრაინის ელჩი გაიწვია კონსულტაციებისთვის. ამის მიზეზი, ზელენსკის განცხადებით, ის გახდა, რომ სააკაშვილს კლავს ჩვენი ხელისუფლება და აქამდე სამკურნალოდ არ გადასცეს უკრაინას, რადგან ის უკრაინის მოქალაქეა. უკრაინას სხვა პრეტენზიებიც ჰქონდა საქართველოსთან, რომ ჩვენი ქვეყნის გავლით, რუსეთში შედის სამხედრო კომპონენტები, საქართველოს გავლით ევროპაში დასასვენებლად და სხვა მიზნებისთვის დადიან დასანქცირებული რუსი ოლიგრქები, ჩინოვნიკები, რადგან რუსულ ავიაკომპანიებს ევროპაში ფრენა აკრძალული აქვთ. რატომ გახდა მაინც და მაინც სააკაშვილი ამ დიპლომატიური სკანდალის მთავარ მიზეზად?
– მე ვფიქრობ, ეს იყო კომპლექსური მიზეზებით გამოწვეული გადაწყვეტილება უკრაინის მხრიდან. სააკაშვილის მდგომარეობა მანამდეც იცოდნენ უკრაინაში, მაგრამ უყურებენ, რომ საქართველოს რეალურად მართავს კრემლი, პუტინისტური, კოლაბორაციონისტული ხელისუფლება და გზას უხსნის რუსეთს არა მხოლოდ სანქციების გვერდის ავლაში, იდეოლოგიური თვალსაზრისითაც ებრძვის უკრაინას. თავად ხედავთ, ხელისუფლების ლიდერების მხრიდან, უკრაინაში ომის დაწყების დღიდან, ანტიუკრაინული, ანტიდასავლური პრორუსული, რუსეთის ხელისუფლების მაამებელი განცხადებები კეთდება. ამას დაამატეთ ანტიუკრაინული ქმედებები, რაზედაც თქვენს კითხვაშივე საუბრობთ. ამან გამოიწვია ეს დიპლომატიური პროტესტი და გაიწვიეს ელჩი.
– მე მაინც მგონია, რომ სააკაშვილის გამო, ორ ქვეყნას შორის დიპლომატიური ურთიერთობის თითქმის გაწყვეტამდე არ უნდა მიეყვანა უკრაინას, როდესაც შეეეძლო ეს სხვა მიზეზების გამო გაეკეთებინა და დაედოთ ინფორმაცია, საქართველოდან რუსეთის გავლით რა სახის სამხედრო კომპონენტები და სხვა რა სახის აკრძალული ტვირთი შედის. ამან ხელისუფლებას და მის მხარდამჭერებს სალაპარაკო მისცა, რომ აი, ზელენსკიმ ამით „ნაცების“ მხარდაჭერა დააფიქსირა, აი, უკრაინა „ნაცებს“ ხელისუფლებაში დაბრუნებაში ეხმარება…
– გაითვალისწინეთ, რომ დაასანქცირეს ქართული ავიაკომპანია „აირზენა“, რომელიც რუსეთში დაფრინავს და არ არის გამორიცხული, რომ არა მარტო რუსულ თვითმფრინავებს, „აირზენას“ თვიმფრინავებსაც გადაჰქონდეთთ რუსეთში აკრძლული ტვირთი. კი, საქართთველო ეხმარება უკრაინას სანქციების გვერდის ავლაში და მათ შორის, სავარაუდოდ, სამხედრო დანიშნულების ტვირთიც გადის ჩვენგან რუსეთში, ეს ყველაზე კარგად იციან უკრაინელებმა და დასავლეთის ქვეყნების დაზვერვამ. მოგახსენეთ, რომ ელჩის გაწვევა იყო კომპლექსური მიზეზებით გამოწვეული. კი, სააკაშვილის ფაქტორი დასახელდა ამის მიზეზად, მაგრამ ეს ფაქტებიც იგულისხმება უკრაინის პრეზიდენტის გადაწყვეტილებაში. ხელისუფლება შეეცდება ამ საკითხის მხოლოდ სააკაშვილამდე დაყვანას, მაგრამ ასე არ არის. უკრაინამ ამ ეტაპზე არ ჩათვალა საჭიროდ იმ ინფორმაციის გასაჯაროება, რაც მას ხელში აქვს იმის დასტურად, რომ ამ ომში საქართველოს ხელისუფლება რუსეთს ყველანაირად ეხმარება, უკეთებს რაც შეუძლია და შესაბამისად, გამოდის, რომ საქართთველო უკრაინის მტერია. მოვა დრო, ეს ინფორმაცია გასაჯაროვდება და ხელისუფლების მაღალი რანგის წარმომდგენლები, ბიძინა ივანიშვილი და მისი არაფორმალური გარემოცვა დასანქცირდება. დასავლეთსა და რუსეთს შორის დიდი ომი მიმდინარეობს და ჩვენმა კოლაბორაციონისტულმა ხელისუფლებამ რუსეთის მხარე დაიჭირა. იმ ქვეყნის მხარეს დადგა, რომელსაც ჩვენი ქვეყანის დიდი ნაწილი ოკუპირებული აქვს, 350 000 ადამიანი გამოყარა ჩვენი ტერიტორიებიდან და დევნილებად აქცია, აფზახეთი და „სამხრეთ ოსეთი“ დამოუკიდებელ სახელმწიფოებად აღიარა და ორივე რეგიონის ანექსიას ეწევა. ეს სახელმწიფო ხელში აქვს ჩაგდებული რუს ოლიგარქს, რომელმაც ქვეყნის თავისუფლება გაყიდა ფულზე, ქვეყნისა და ხალხის ინტერესები მიყიდა კრემლს. აქედან გამომდინარე, უკრაინის ქმედებები ამითაც იყო განპირობებული, თორემ მდგომარეობა აქამდეც იცოდნენ და სააკაშვილი აქამდეც უკრაინის მოქალაქე იყო. ისიც გავიხსენოთ, რომ უკრაინამ ელჩი საქართველოდან შარშან გაიწვია და ელჩის მოვალეობას მისი მოადგილე ასრულებდა, მერე კონსულიც გაიწვია და მაშინ სააკაშვილი არავის უხსენებია. მიზეზი ჩვენი ხელისუფლების მხრიდან ტოტალური შეტევა იყო უკრაინაზე და მის ხელისუფლებაზე, ანტიუკრაინული და ანტიდასავლური იდეოლოგიური ბრძოლა იყო გაჩაღებული. დაგროვდა ეს ყველაფერი და ზელენსკიმ ის გააკეთა, რაც გააკეთა – ეს იყო მკაცრი დიპლომატიური დემარში.
კომენტარები