ადგილობრივი მედიის ცნობით, კასპის მუნიციპალიტეტის სოფელ ფერმაში კაცი 11 წლის ბიჭს აქეზებდა, რომ 9 წლის ბავშვი ეცემა და მოეკლა. კაცმა ჩხუბის ვიდეოც გადაიღო.
ტელეკომპანია მონიტორინგის ინფორმაციით, ბავშვი მძიმე დაზიანებებით კლინიკაში მოათავსეს.
“მთავარ არხთან” დეტალებს ყვება ოჯახის ახლობელი. მისი ინფორმაციით, მამა არასრულწლოვან ბავშვებს აჩხუბებდა და ცემას ვიდეოთი იღებდა:
“ამ ბავშვის მამა ტელეფონით იღებდა ვიდეოთი. ბავშვი ცუდ მდგომარეობაში იყო, შეშინებული იყო, მამა დგას და თავის შვილს აცემინებს, ბავშვი ეკითხება თავის დედას შენ რატომ არ დაარტყიო, მე მეშინოდა მაგის. ამხელა ვირი კაცი თან აცემინებს და თან სხვებს ეუბნება ახლოს არ მიხვიდეთო და ხელით ურტყამს სხვებს თან ბავშვებს ვიდეოს უღებდა, ეს ყველაფერი დაფიქსირებულია კამერებზე ჩანს. მაგის მამას პოლიციასთან ახლობლობა აკავშირებს, ერთი ის ვიცი, რომ პოლიცია უნდა მისულიყო და წაერთვა ტელეფონი, სანამ წაშლიდა ვიდეოს. ეს ბავშვი, რომელიც აცემინა, ბირჟაზე დგას ბავშვებთან ერთად. ეს კაცი თავის მანქანით მოდის სახლიდან ბავშვი მოჰყავს და ვიდეოზე ჩანს მანქანა მოდის ბირჟაზე, აჩერებს თავის ბიჭს ეუბნება მიდი ჩადი ახლა, ამ კამერაში ჩანს, თავისი ბავშვი ჩამოდის და ამ ბავშვს დასცხო, მოტოციკლეტიდან გადმოაგდო”
გამოძიება სისხლის სამართლის კოდქსის 126-ე მუხლით დაიწყო, რაც ძალადობას გულისხმობს.
კომენტარები