წალენჯიხის მუნიციპალიტეტში, ძლიერი წვიმის შედეგად ადიდებულმა მდინარემ ორი სოფლის ნაგურუსა და საჩინოში შესასვლელი ხიდი დააზიანა.
სოფელ საჩინოში, მერის წარმომადგენლის, ბელა კვირკვიას ცნობით, 12 ოჯახი გარე სამყაროს მოწყდა, მათ შორის არის ფეხმძიმე ქალი.
დაზარალებულ სოფლებში სტიქიის სალიკვიდაციო სამუშაოებისთვის საჭირო მძიმე ტექნიკის მობილიზება სამეგრელო – ზემო სვანეთის მხარის ადმინისტრაციამ უნდა მოახდინოს.
ძლიერი წვიმის შედეგად ასევე დაზიანდა შიდა საუბნო გზები.
დაიტბორა სასოფლო-სამეურნეო სავარგულების ნაწილი.
სტიქიის მიერ მიყენებულ ზარალს მუნიციპალიტეტის მერის მოადგილეები ივანე ბურდული და თამარ ბელქანია ადგილზე ეცნობიან.
დაზარალებულ უბნებში გაწმენდითი სამუშაოები მიმდინარეობს.
კომენტარები