სამხედრო ექსპერტი, გიორგი თავდგირიძე სოციალურ ქსელში წერს:
„ნატოს 20 ქვეყანა მხარს უჭერს ნატოში უკრაინის გაწევრიანებას. როდესაც უკრაინელ პოლიტიკოსების ამ წარმატებას და ქართველი პოლიტიკოსების შედეგებს ადარებ, ხვდები რა განსხვავებაა მაღალი რანგის, თავის ქვეყანაზე შეყვარებულ პოლიტიკოსსა და ჭ კლასის, 200 ათასი მშიერი ბავშის ქვეყანაში, პერსონალურ მანქანაზე დახარბებულ პოლიტიკოსებს შორის.
რას ნიშნავს 20 ქვეყნის მხარდაჭერა? ეს ნიშნავს რომ ბრიტანელი, პოლონელი, ბალტიისპირელი და სხვა ქვეყნის პოლიტიკოსები მზად არიან უკრაინაში გააგზავნონ თავიანთი არმიები. მათ აქვთ მაღალი საზოგადოებრივი ლეგიტიმაცია ბრიტანელებმა, პოლონელებმა, ბალტიისპირელებმა იომონ უკრაინაში, უკრაინისთვის. ისინი მზად არიან რომ გაიღონ მსხვერპლი. ეს ნიშნავს, რომ გერმანელი პარლამენტარი მზად არის მისი შვილი, ან შვილიშვილი დაიღუპოს უკრაინაში. ბრიტანელი ბიზნესმენი, თავის შვილს გაუშვებს უკრაინაში.
მიიღებს თუ არა უკრაინა ნატოს მიწვევას ვილნიუსში, ამის თქმა ჯერ ნაადრევია და შეიძლება არც მიიღოს, კონსენსუსის ვერ მიღწევის გამო, მაგრამ ეს არ ამცირებს ამ 20 ქვეყნის მზაობას, ამ მზაობის შინაარსის გამო.
ჩვენ გავაგრძელოთ მე-2 ფრონტზე ვიშვიში და დესუვერენიზაცია რუსეთის სასარგებლოდ.“
კომენტარები