“გირჩი-მეტი თავისუფლების” ლიდერი, რომელსაც დღეს დილით გორში ორკები დაესხნენ თავს, ამ დროისთვის სამხარაულის ექსპერტიზის ბიუროშია გადაყვანილი, სადაც ექსპერტები დეტალურად აღწერენ რა სახის დაზიანებები აქვს მიყენებული ჯაფარიძეს თავდასხმის შედეგად.
პირველადი დათვალიერებით, ჯაფარიძეს დაზიანებები თავისა და თვალის არეში აღენიშნება.
იქამდე კი ოპოზიციონერი პოლიტიკოსი 2 საათი საბურთალოს მთავარ სამმართველოში იკითხებოდა, სადაც გამომძიებლებს თავდამსხმელის შესახებ დეტალურად მოუყვა.
ჯაფარიძეზე ფიზიკური ანგარიშსწორებიდან რამდენიმე საათი გავიდა,თუმცა მოძალადე ჯერჯერობით დაკავებული არ არის იმის მიუხედავად, რომ მან ფეისბუქზე თავად გამოაქვეყნა პოსტი და დაწერა, რომ ჯაფარიძეს სცემა.
კომენტარები