აშშ-ში მუსიკის გამომცემელთა ჯგუფმა Twitter-ს უჩივლა. ჯგუფი ამტკიცებს, რომ პლატფორმამ თითქმის 1700 სიმღერასთან მიმართებაში დაარღვია საავტორო უფლებები.
მუსიკის გამომცემელთა ეროვნული ასოციაცია (NMPA) ზარალის ასანაზღაურებლად 250 მილიონ დოლარზე მეტს ითხოვს.
ნეშვილის ფედერალურ რაიონულ სასამართლოში შეტანილ სარჩელში NMPA ამტკიცებდა, რომ Twitter ფინანსური სარგებლის მიღების მიზნით, საავტორო უფლებებს უგულებელყოფს და არალიცენზირებული მუსიკის ხელმისაწვდომობით უზარმაზარ მოგებას იღებს.
შეგახსენებთ, რომ NMPA წარმოადგენს ისეთ მასშტაბურ ფირმებს, როგორებიცაა: Sony Music Publishing, BMG Rights Management და Universal Music Publishing Group.
კომენტარები