ბორის ჯონსონი დეპუტატის თანამდებობას მას შემდეგ ტოვებს, რაც თემთა პალატის საკომიტეტო გამოძიება მის მიმართ დევნაში დაადანაშაულა.
ბრიტანეთის ყოფილი პრემიერ-მინისტრის განცხადებით, ის „დაბნეული და შეძრწუნებულია“ მას შემდეგ, რაც მიიღო წერილი კომიტეტისგან, რომელიც იძიებს, მოატყუა თუ არა მან ბრიტანელი კანონმდებლები, რომლებიც იკვლევდნენ „ფართიგეითის“ სკანდალს. საუბარია ჯონსონის მიერ კოვიდპანდემიის დროს წესების შესაძლო დარღვევაზე.
მისივე თქმით, წერილმა ნათლად აჩვენა, რომ მათ გადაწყვეტილი აქვთ ჯონსონის წინააღმდეგ გამოიყენონ სამართალწარმოება პარლამენტიდან მის გასაძევებლად.
„დღეს მივწერე ჩემს ასოციაციას უქსბრიჯსა და სამხრეთ რუისლიპში, რათა მეთქვა, რომ სასწრაფოდ ვტოვებ თანამდებობას და დაუყონებლივ ვიწვევ შუალედურ არჩევნებს. ძალიან ვწუხვარ, რომ ვტოვებ ჩემს შესანიშნავ საარჩევნო ოლქს. დიდი პატივი იყო, რომ მემსახურა მათთვის როგორც მერის, ასევე პრემიერის რანგში“, – აღნიშნა ბორის ჯონსონმა.
კომენტარები