,, ღიმილის მომგვრელია საზოგადოებაში იმის აგიტაცია-პროპაგანდა, რომ ევროპა ებრძვის და ანადგურებს სხვა ხალხის კულტურას და ტრადიცებს” – ნუგზარ სულაშვილი

საფრანგეთში მცხოვრები მწერალი, ნუგზარ სულაშვილი:

,,როდესაც ევროპულ ღირებულებებზე ვსაუბრობთ უნდა აღვნიშნოთ, რომ თვით ევროპელთა ტრადიციები ერთგვაროვანი არ არის და ყველა ერს აქვს შენარჩუნებული სხვა-დასახვა სახის დამახასიათებელი ორიგინალური წეს-ჩვეულებები.
ევროპელებში მოხდა მოდერნიზაცია პოლიტიკის სფეროში. რაც მთავარია განხორციელდა უწიგნურობის ლიკვიდაცია და ცოდნის ღირებულება იქცა პრიორიტეტად, თუმცა ძირეულ მათ ადათ წესებს და ჩვეულებებს ტრანსფორმაცია არ განუცდია ურთიერთ დაახლოვებით.
ღიმილის მომგვრელია საზოგადოებაში იმის აგიტაცია-პროპაგანდა, რომ ევროპა ებრძვის და ანადგურებს სხვა ხალხის კულტურას და ტრადიცებს. ეს რომ ასე ყოფილიყო დამერწმუნეთ, ვერ იხილავდით მეგაპოლისებში მეჩეთებს, სინაგოგებს კულტურულ ცენტრებს და ვერც ეროვნულ ტან-სამოსში გამოწყობილ სხვადსხვა ეთნოსებს.
ჩვენს ქვეყანაში ანტი დასავლურად განწყობილი პოლიტიკოსების ლოგიკა იმასთან დაკავშირებით, რომ თითქოს ვიღაცას სურს შეცვალოს, ან დაგვავიწყონ ტრადიციები დიდი უვიცობაა, რადგან მათ სიღრმისეულად არ აქვთ გათვითცნობიერებული თავად ტრადიციის მნიშვნელობა, რომელსაც ხშირად თანამედროვე გარდამავალ საზოგადოებისთვის დამახასიათებელ სოციალურ პრობლემებში ურევენ და ერთმანეთისგან ვრ მიჯნავენ.
მათ ავიწყდებათ, ან უბრალოდ არ იციან, რომ ტრადიცია არის ისტორიულად ჩამოყალიბებული ქცევის მტკიცე წესები, შეხედულებები, ზნე, ჩვეულება, რომელიც თაობიდან თაობას გადაეცემა და რომელიც კულტურის მემკვიდრეობითობას და ერთობას უზრუნველყოფს.
ტრადიცია ეს ის ზნე ჩვეულებაა, რომელზედაც საზოგადოებას მოთხოვნილება გააჩნია და რომელიც მოცემულ დროში ფუნქციონირებს.
ნებისმიერი ერის განვითარების დროს ჩნდება ახალი ინოვაციები. დავიწყებას ეძლევა ძველი ტრადიციული სახის წეს ჩვეულება, ხშირ შემთხევაში ის იცვლება ან საერთოდ ქრება და ადგილს იკავებს ახალი ნორმა, რომელიც ახალ წეს ჩვეულებად ანუ ტრადიციად ყალიბდება.
ტრადიციებს აყალიბებს ეთნოსის ცხოვრების ისტორიული პირობები, მისი სოციალური, სულიერი, ეკონომიკური ყოფის თავისებურებები.
ევროპული ღირებულებების წარმოქმნა და გავრცელება ქრისტიანული რელიგიით, ჯერ კათოლიზმით, ხოლო შემდეგ პროტესტანტიზმით იყო განპირობებული. ქრისტიანობის გავრცელება, როგორც ჩვენს ქვეყანაში ასევე ევროპაში დიდ მოდერნიზაციასთანაა დაკავშირებული, რადგან ამ პროცესმა ჩამოაყალიბა მნიშვნელოვანი ღირებულებები, რამაც განაპირობა ერებს შორის თვითღირებულებების საფუძვლის ჩაყრა.
ეთნიკურ -ეროვნული ღირებულებები მჟღავნდება უპირველეს ყოვლისა იდეებში, წეს ჩვეულებებში, ტრადიციებში, ხალხურ რეწვასა და პროფესიული ხელოვნების სხვადასხვა ფორმაში. მისი განვითარება შეუძლებელია იზოლაციის პირობებში და დღევანდელ ტრადიციონალებს თუ ჰგონიათ, რომ შემდგომი ცივილიზაციის პროგრესულ საფეხურს მიაღწევენ, ეს უბრალოდ სიბრიყვეა.”