“კადოროველები” თავისუფლად გადაადგილდებიან ჩვენს ქვეყანაში” – ამის შესახებ “ანტისაოკუპაციო მოძრაობის” ერთ-ერთი წევრი დავით ქაცარავა სოციალურ ქსელში წერს და ფოტოს აქვეყნებს:
“საქართველო ჩააბარეს რუსებს.
სტრატეგიული მოთმინება???
ეს სტრატეგიული ჩაჯმაც აღარ არის. ეს პირდაპირი ღალატი და ქვეყნის კაპიტულაციაა!
ვიცი, ძალოვანი სტრუქტურების ბევრი წარმომადგენელი კითხულობს ჩემს პოსტებს – თქვენ მოგმართავთ ბატონებო!
როგორ ფიქრობთ, ესეც ტურისტების შემოსეირნებაა საქართველოში?
ამასაც მოითმენთ, ბატონო რიგითებო, ოფიცრებო, დეპარტამენტების უფროსებო და სამსახურების ხელმძღვანელებო?
კადიროველები თავისუფლად გადაადგილდებიან ჩვენს ქვეყანაში და თქვენ ბრძანებაც კი გაქვთ მიღებული, არ შეაწუხოთ, და თუ რამე მოხდა, დაიცვათ რუსეთიდან შემოსული მკვლელები.
თქვენს ადგილას ღიად დავტოვებდი სამსახურს და ქუჩაში გამოვიდოდი!
თქვენს ადგილას მოვუწოდებდი მშვიდობიან მოქალაქეებს გამოსვლისთვის!
თქვენგან ასეთი მოწოდება ყველაზე საგანგაშო, სუფთა და ნაღდი იქნებოდა.
ეხლაც გავალ რუსთაველზე და არ მინდა თქვენ ბარიკადების მეორე მხარეს დაგინახოთ!
არ მინდა ვხედავდე იმ ადამიანებს, ვისთანაც ერთადაც, მიუხედავად ყველაფრისა მზად ვარ იარაღით ხელში დავიცვა ჩემი სამშობლო, რუსების ინტერესების დასაცავად გამოსულები რუსთაველზე!
თქვენი პირდაპირი მოვალეობაა ქვეყნის ეროვნული ინტერესების დაცვა, თქვენ კი დღეს რუსეთის ინტერესებს იცავთ და ხელს უწყობთ სამშობლოს გადაფორმებას ჩვენი ქვეყნის ყველაზე ვერაგი და დაუძინებელი მტრისთვის!
დავდგეთ ერთად, დავიცვათ და გადავარჩინოთ ჩვენი სამშობლო!!!”
კომენტარები