“ქართული ოცნების” დეპუტატი, მამუკა მდინარაძე უკრაინის მხირდან ბიძინა ივანიშვილის შესაძლო სანქცირებასთან დაკავშირებით ამბობს:
“თუ არგუმენტაცია არის ვიღაცასთან დაახლოება, აქაც ესე იგი მტკიცებულებების გარეშეა საუბარი, აქაც ისეთივე აბსურდული მტკიცებულებებია, როგორც სხვა შემთხვევაში მოვისმინეთ ხოლმე, მტკიცებულებები ბრჭყალებში, რა თქმა უნდა. გასაკვირი არ არის, ნამდვილად არ გამკვირვებია, იქიდან გამომდინარე, რომ თავის დროზე, სამწუხაროდ, რუსეთის ხელისუფლების ბევრმა ლიდერმა მოიცალა ჩვენთვის და რუსეთის მიერ საოკუპაციო ომის წარმოების პარალელურად და კვალდაკვალ, მოიცალა იმისთვის, რომ საქართველოსთვის ერთი მხრივ რაღაცები დაებრალებინა, მეორე, ამ ქვეყნისთვის ომში ჩართვა და მეორე ფრონტის გახსნა აქ, საქართველოში, პირდაპირ მოეთხოვათ. ამის არ შესრულების ფონზე, არანაირი სანქცია არ გამიკვირდება მათი მხრიდან და ცალკეული წარმომადგენლები შეიძლება ამაზე ზრუნავენ კიდევაც. ეს არის პასუხი უარზე, რომ მეორე ფრონტი ამ ქვეყანაში არ გაიხსნა, თუ ეს ასეა”.
უკრაინის რადას დეპუტატმა, ოლექსი გონჩარენკომ თქვა, რომ მიმართა უკრაინის პრეზიდენტსა და უკრაინის ეროვნული უსაფრთხოებისა და თავდაცვის საბჭოს, რომ ბიძინა ივანიშვილი უკრაინის სანქციათა სიაში მოხვდეს. მისი თქმით, ივანიშვილი რუსეთის აგენტია, რომელმაც საქართველოს მთავრობა იყიდა.
კომენტარები