“80 წლის ვარ და მე დავამარცხე კორონავირუსი” – საუნივერსიტეტო კლინიკის პაციენტი

80 წლის გიული ურუშაძემ კორონა ვირუსი დაამარცხა და ამის შესახებ პოსტი სოციალურ ქსელში გამოაქვეყნა. ის მადლობას უხდის პირველი საუნივერსიტეტო კლინიკის გენერალურ დირექტორს, ექიმ ლევან რატიანს და მის კოლეგებს:

“მე ვარ 80 წლის და დავამარცხე კორონა ვირუსი.10 დღე-ღამის განმავლობაში ურთულესი გზა გავიარე სიკვდილ-სიცოცხლის ზღვარზე. ჩემი გადარჩენისათვის, ჩემთვის სიცოცხლის შენარჩუნებისთვის, მინდა უდიდესი მადლობა გადავუხადო პირველი საუნივერსიტეტო კლინიკის გენერალურ დირექტორს, პროფესორ ლევან რატიანს და მის არაჩვეულებრივ კოლექტივს, რომელის მუშაობასაც თვალს ვადევნებდი რეანიმაციაში ყოფნის დროს.

ვხედავდი, როგორ პროფესიონალურად, თავდაუზოგავად მუშაობდნენ ისინი. მადლობა მათ! განსაკუთრებული მადლობა უმაღლესი კლასის პროფესიონალს, პროფესორ კახა ჭელიძეს იმ სითბოსა და გულისხმიერებისთვის, რომელიც მაინ გამოიჩინა ჩემ მიმართ. მეგობრებო, გავუფრთხილდეთ ჩვენს არაჩვეულებრივ ექიმებს, ისინი ჩვენ გვჭირდებიან და ამიტომ დავრჩეთ სახლში”