“ტროას ცხენი კი არა – პარლამენტის მელია!” – რას წერს გოჩა მირცხულავა

“ტროას ცხენი კი არა – პარლამენტის მელია!

ხუთეულმა კი არა, ნიკა მელიამ დაუჭირა მხარი არამოსამართლე წევრებს იუსტიციის საბჭოში. რომ ვიძახი, ეს ადამიანი ობსტრუქციით არის დაკავებული მეთქი, თავზე ნაცარს იყრით ზოგიერთები. ნიკა მაჭუტაძემ და ბაჩუკი ქარდავამ უხერხულობა უნდა იგრძნოთ და ბოდიში მოუხადოთ ქართულ საზოგადოებას. მანდატებს რომ არ დატოვებთ ამ ფაქტის გამო გასაგებია. დილარ ხაბულიანზე ჩემი არგუმენტები მაქვს – მას სააკაშვილის შეცდომად მივიჩნევ. აი, სრულად გაუგებარია, ჩემთვის პატივსაცემმა ადამიანებმა – ქალბატონმა ნატო ჩხეიძემ და ბატონმა როსტომ ჩხეიძემ – ტელეკომპანია “მთავარის” წილის მფლობელებმა, რა მოტივით დაუჭირეს მხარი სასამართლო კლანის გაძლიერებას? ეს ხომ არ არის ვალის გადახდა კობა ნაყოფიასა და ნიკა მელიასადმი, რომლებიც იყვნენ მათი რეკომენდატორები პარტიულ სიაში?

12 რეკომენდაცია ამ შემთხვევაში, რომ არაფერ შუაშია ყველამ კარგად იცის.

ასევე, ახლა გამორჩეულად საინტერესოა სწორედ კობა ნაყოფიას კომენტარი ამ ყველაფერთან დაკავშირებით, მელია რასაც თამაშობს ეგ კარგა ხანია გასაგებია.

ქართველი პოლიტიკოსები ვერა და ვერ მიეჩვივნენ სამართლიანი თამაშის წესებს. ამ ხუთეულს ოპოზიციის შეთანხმების გათვალისწინებით, პატიოსნად უნდა ეთქვა კენჭისყრამდე, რომ ხმას აძლევდნენ. ეს განსაკუთრებით ბაჩუკი ქარდავას არ უნდა შეშლოდა, იმის მიუხედავად, რომ ნიკა მელია მისი ძმაკაცია.

მოკლედ, ტროას ცხენი იქეთ იყოს და მრავლის მნახველმა ქართულმა პოლიტიკამ დღეს “პარლამენტის მელია” იხილა და იგრძნო.”