ეკონომისტი დემურ გიორხელიძე:
,,გარემოებები დროთა განმავლობაში მუდმივად იცვლება,
რასაც პროგრესი განაპირობებს, როგორც სოციალურ
სფეროში, ისე ტექნოლოგიებში!
მაგრამ
ის, რაც ხდება საქართველოში, –
იგივეა, რაც წინათ ხდებოდა!
საქმე ისაა, რომ
ფილოსოფია და ლოგიკა იმისა, რაც ხდება,
იგივე რჩება!
რატომ ხდება ასე?!
რატომ ვერ ვპოულობთ სხვა გზას?!
იმიტომ, რომ
700 წელია ქართველს ვერ გაურკვევია,
თუ რა ხდება რეალურად!
რაც ხდება, იმას მხოლოდ საკუთარი სამრეკლოდან ხედავს
და საკუთარ თავზე პროეცირებას ახდენს!
არადა, რაც ხდება, მისგან დამოუკიდებლად რომ ხდება
და საქართველო არც მიზანი და არც სუბიექტია იმისა,
რაც ხდება, – ეს ვერ გაუგია (ჯერ!)!
დიდი სახელმწიფოების ინტერესების დაუბალანსებლობა რომ განაპირობებს იმას, რაც ხდება და ქართველებს მართებთ ღრმად გაერკვნენ იმაში რაც ხდება და იცოდნენ ის, თუ რატომ ხდება ეს ყველაფერი, –
ამის გააზრებამდე ჯერ ვერ მივსულვართ!
ამ უმთავრესის გაუაზრებლობამ კისერი არაერთხელ მოგვტეხა, მაგრამ რაც არის, ეს არის!
მაინც გადარჩენილები ვართ, თუმცა,
ასე გაგრძელება აღარ შეიძლება.
ეს მდგომარეობა გარღვევადია და აუცილებლად გავარღვევთ, – ცოტა დრო უნდა და შემართული მცირერიცხოვანი ქართველი!”
კომენტარები