“საგარეო პოლიტიკას წარმოვადგენ მე” – პრემიერის პასუხი პრეზიდენტს და ხალხს

პრემიერი ღარიბაშვილი სალომე ზურაბიშვილის განცხადებების კომენტირებისას, რომელმაც პუტინის გადაწყვეტილებებს აღადგინოს საქართველოსთან პირდაპირი ავიამიმოსვლა და გააუქმოს სავიზო რეჟიმი, შეურაცხმყოფელი უწოდა და თქვა, რომ ის და მმართველი გუნდი წყვეტს როგორი იყოს საგარეო პოლიტიკა. მას საუბრისას, არც კი უხსენებია, რომ ხალხს წარმოადგენს მმართველი გუნდი და ხალხი წყვეტს რეალურად, საგარეო კურსს, ისევე, როგორც არც კი უხსენებია ქვეყნის კონსტიტუცია და განაცხადა, რომ ნებისმიერ მოქალაქეს აზრის გამოთქმის უფლება კი აქვს, მაგრამ საშინაო და საგარეო პოლიტიკას ის და ქართული ოცნება ახორციელებენ.

ღარიბაშვილი:

“აღმასრულებელ პოლიტიკას წარმოვადგენ მე, მთავრობის მეთაური, ჩვენი მმართველი პარტია, პარლამენტი და ჩვენ წარვმართავთ და ჩვენ  ვახორციელებთ საშინაო თუ საგარეო პოლიტიკას. ქალბატონ სალომეს, როგორც ნებისმიერ ჩვენს მოქალაქეს, აქვს, რა თქმა უნდა, კონსტიტუციური უფლება, რომ ნებისმიერ საკითხზე გამოთქვას საკუთარი მოსაზრება. მე გიპასუხეთ, რომ ყველაფერი, რაც უმარტივებს, გაუუმჯობესებს  მდგომარეობას ჩვენს მოქალაქეებს, არის დადებითი და კარგი გადაწყვეტილება.

ეს ფრაზა, ჩვენ თავმოყვარე, უძველესი ერი ვართ, ამას რომ ამბობს ვიღაც, არ ვიცი ვინ თქვა, არ მომისმენია, მაგრამ რუსეთის დაკრულზე ცეკვა და ასეთი გამონათქვამები, ეს არის ერის შეურაცხყოფა. თქვენ ნუ იმეორებთ ასეთ შეურაცხმყოფელ გამონათქვამებს“

,, გაგახსენებთ, რომ რუსეთიდან უპრობლემოდ ჩამოდიან მინსკის, ერევნის, ბაქოს და თურქეთის გავლით, ან კიდევ ლარსის სახმელეთო საზღვრის გადაკვეთით. ვიზის პრობლემა ხომ არ ჰქონიათ!” – სალომე ზურაბიშვილი