აშშ-ს მასაჩუსეტის უნივერსიტეტის პროფესორი, ზურაბ გურული:
„ომით შერყეული ეკონომიკის და დარღვეული დემოგრაფიული ბალანსის აღსადგენად რუსეთი ცდილობს დაბალკვალიფიციური “გასტარბაიტერების” და ავანტურისტი “ბიზმესმენების” ნაკადების ევროპიდან საკუთარ ტერიტორიაზე გადამისამართებას. ის კვალიფიციური ახალგაზრდა რუსები, რომლებმაც სამშობლო დასტოვეს, აღარ დაბრუნდებიან უკან. შექმნილი ვაკუუმი შევსებას მოითხოვს. კოლოსალური რაოდენობის “შავი ფულის” კეთების სეზონი იხსნება რუსეთის ტერიტორიაზე; ზუსტად ისე, როგორც 90-იანებში.
ამ ფონზე სრული უაზრობაა ქართველ ამომრჩეველთა “საკონტროლო პაკეტს” ესაუბრო ე.წ. სახელმწიფოებრივ ინტერესებზე. მათი შედარებით მოჭკვიანო სპექტრიც კი იხელმძღვანელებს პრინციპით: – ლუკმა გავარდეს, ჯამში ჩავარდეს -. მტკიცება იმისა, რომ ეს ყველაფერი საბოლოოდ გახრწნის და კორუფციით დაალპობს ისედაც ფანტომურ ქართულ სახელმწიფო ინსტიტუტებს, მათთვის კომიკურია.
-ევროკავშირი მაინც მოგვცემს სტატუსს- ეს აბსტრაქტული იმედი დარჩა სანუგეშოდ ქართული ოპოზიციური სპექტრის ასევე შედარებით მოჭკვიანო სპექტრს. არადა, ამ სტატუსს რეალურად არც “ოცნება”, ანუ რუსეთი ეწინააღმდეგება, რადგან საქართველო უაღრესად საჭირო კონტრაბანდული დერეფანია ევროპისაკენ.
დასავლეთის მიმართ დეკლარირებული ანტაგონიზმის შექმნა და შემდეგ “დათმობა” სრულიად დააკმაყოფილებს ოპოზიციური სპექტრის იმპოტენტურ ამბიციებსაც და პოლიტიკური გამარჯვების კიდევ ერთ, მნიშვნელოვან ილუზიას შექმნის მათთვის.
შესაბამისად, საბოლოოდ ყველა “გამარჯვებული” გამოვა, როგორც ამერიკული საბავშვო ბაღების აღსაზრდელთა შეჯიბრებებში ხდება.“
კომენტარები