პრეზიდენტი სალომე ზურაბიშვილი:
,,„დღეს მორიგი რუსული პროვოკაციული განცხადება ვნახეთ. რას ემსახურება ეს პროვოკაცია: შესაძლებელია, ერთი მხრივ, ეს იყოს გადაფარვა თავიანთი მარცხის, კრახის, იმის, რაც ხდება უკრაინაში, შესაძლოა, ეს იყოს პასუხი გუშინდელი ევროკავშირის მიერ გამოცხადებული ახალი სანქციების მიმართ, ბევრი რამე შეიძლება იყოს, მაგრამ ჩვენთვის რაც მთავარია ეს არის პროვოკაცია ჩვენი საზოგადოებისთვის და გამოწვევა ხელისუფლებისთვის, ეს გამოიწვევს ერთგვარ დაძაბულობას პარტიების შორის, თორემ საზოგადოებაში ეს გამოიწვევს ძალიან დიდ ნეგატიურ რეაქციას, რომელსაც ძალიან კარგად ესმის, რომ რუსეთი ასეთ ნაბიჯებს დგამს თავისი ინტერესებისგან გამომდინარე…
სამწუხაროა, რომ ხელისუფლებამ ვერ გაიგო, არ დაფიქრდა წარსულ მაგალითებზე, რომ რუსეთი დათმობებზე დათმობით არ პასუხობს, პასუხობს იმით, რაც მეორე მხარეს გაურთულებს ცხოვრებას, ეს არის მათი მეთოდი და ამაზე უნდა დაფიქრდეს ხელისუფლება. ეს არის სრულიად მიუღებელი, უადგილო დრო, არც ფრენების აღდგენა და ვიზების მოხსნა არ გვჭირდება სანამ რუსეთი არის ოკუპანტი და ჩვენი ტერიტორიები აქვს მიტაცებული, ეს ჟესტი არის მიუღებელი. მოვუწოდებ ხელისუფლებას, თავისი პოზიცია ნათლად გამოაჩინოს, შეიკრიბოს უსაფრთხოების საბჭო და განხილული იყოს 3 თვიანი ვიზების დაწესება, ეს არის გამომდინარე უსაფრთხოების ინტერესებიდან. ჩვენ ვართ ძალიან ტოლერანტი ქვეყანა, ყველას ვიღებთ, მაგრამ არ შეიძლება, რომ ქვეყანაში რუსულენოვანი ბაგა-ბაღები გაიხსნას და ქართული ენა არააუცილებელი იყოს ამ ბავშვებისთვის, რომლებიც დღეს ცხოვრობენ საქართველოში. ეს არის დაცულობა ჩვენი საზოგადოების და ეს იქნება სწორი პასუხი დღევანდელზე, ჩვენ არ გვჭირდება საჩუქრები რუსეთისგან და ვითომ რაღაც დათმობა, ჩვენ ვართ იმ მხარეს სადაც არიან ევროპელი მეგობრები და ეს არის ჩვენი ინტერესების საქმე. არ უნდა დავიწყოთ ახალი ურთიერთობები რუსეთთან, რომელიც გაგვირთულებს ყველაფერს“
კომენტარები