რატომ ალაპარაკდნენ ექიმები ქართულ გენეტიკაზე და რატომ აღარ საუბრობენ დახრჩობაზე?

“ეს ვირუსი სხვადასხვა გენოტიპში, სხვადასხვა ფენოტიპურ  გამოვლინებებს იწყებს, – ამის შესახებ პირველი საუნივერსიტეტო კლინიკის ხელმძღცანელმა ლევან რატიანმა „მთავარი არხის“ ეთერში განაცხადა.

რატიანმა ისაუბრა იმ შესაძლო გარემოებაზე, რის გამოც ჩვენს ქვეყანაში ამ ეტაპზე კორონავირუსით ინფიცირების დაბალი მაჩვენებელია.

„არსებობს გეოგრაფია და ამ გეოგრაფიის ფარგლებში მცხოვრები ადამიანები. სხვადასხვა გარემოზე ვართ ადაპტირებული. სწორედ ესაა ორგანიზმის მდგრადობის გამოვლინება. სიმართლე გითხრათ ჩვენი გენეტიკა ადრენალდამოკიდებულია ანუ მოდუნებულები კი არა, აქტიურები ვართ. შესაძლებელია ესეც განაპირობებდეს ჩვენს ქვეყანაში ვირუსზე ასეთ გამოვლინებას.

ახლა ჩვენ ვართ პიკის ეტაპზე, უამრავი დასნეულებული პაციენტი უნდა გვყავდეს, მაგრამ საბედნიეროდ არ გვყავს – ამას რაღაც ფაქტორი განაპირობებს, რომელიც არ ვიცით და აუცილებლად გვეცოდინება“

“ალია” – ძალიან უცნაურია, აღდგომამდე სამი დღით, ორი დღით ადრე გვეუბნებოდნენ, რომ ტაძარში თუ წავალთ – კუბოებს ვერ დავთვლით, რომ 8 ათასამდე გაიზრდება ინფიცირებულთა რიცხვი.

ამირან გამყრელიძე ამბობდა, რომ 19 აპრილს ეყოლება 1200 ინფიცირებული.

საბედნიეროდ, არც ერთი პროგნოზი არ ახდა, მიუხედავად ამისა, აღდგომამდე ორი დღით ადრე იმნაძე კუბოებით გვაშინებდა, გამყრელიძე 8 ათასი ინფიცირებულით და ლევან რატიანი – დახრჩობით.

აღდგომის დღეს კი გვეუბნებიან, რომ პიკი რამდენიმე ათასი ინფიცირებულის მერე კი არ იქნება – უკვე პიკია ეს – 394 ინფიცირებული – პიკია და ყველამ ვიცით, პიკის მერე კლება იწყება.

ასევე გვეუბნებიან, რომ ვირუსი იმიტომ არ მიდის აგრესიულად ქართველებში, რომ ჩვენ გენეტიკურად – ადრენალდამოკიდებული ხალხი ვართ.

არადა, მთელი ეს თვეები გვესმოდა, რომ პანიკა არ შეიძლება, რადგან ადრენალინი თუ გამოიყო, ვირუსი უფრო აგრესიულად განვითარდება.

კიდევ ერთხელ დიდი მადლობა ქართველ ექიმებს, რომლებიც მუხლჩაუხრელად მუშაობენ.