“ქართული ოცნების” წევრი ნიკოლოზ სამხარაძე ირწმუნება, რომ პრემიერს ბუდაპეშტის კონფერენციაზე ისეთი არაფერი უთქვამს, რაც სოციალ-დემოკრატებისთვის მიუღებელი შეიძლება ყოფილიყო.
არანაირი ევროპული ოჯახიდან ჩვენ არ გაგვირიცხავენ. არ ვიცი, ღირს თუ არა ასეთ ჯგუფში დარჩენა თუ კონფერენციაში მონაწილეობას გიკრძალავს შენივე პოლიტიკური ჯგუფი. იქ არაფერი ისეთი არ თქმულა, რაც სოციალ-დემოკრატებისთვის მიუღებელი შეიძლება იყოს. მაშინ თვითონ სოციალისტები როგორ თანამშრომლობენ იგივე იმ ადამიანებთან ან უნგრეთში ან აშშ-ში, რომლებიც იმ კონფერენციაზე გამოდიოდნენ. ჩვენ არ გვაქვს ფუფუნება, რომ ვარჩიოთ ქვეყნები ვისთან ვიმეგობროთ და ვისთან არ ვიმეგობროთ. ჩვენ უნდა ვიმეგორბოთ 27-ვე ქვეყანასთან, – ამბობს სამხარაძე.
ევროპელი სოციალისტების პარტია (PES), რომლის დამკვირვებელი წევრი “ქართული ოცნებაა”, ივნისში ოცნების ჯგუფიდან გარიცხვაზე იმსჯელებს. ამის შესახებ განცხადებას ევროპელი პარტნიორების ავრცელებენ. მათი განმარტებით, მიზეზი, საქართველოს პრემიერ-მინისტრის პრორუს ლიდერებთან ერთად ბუდაპეშტში, კონსერვატიულ პოლიტიკურ სამოქმედო კონფერენციაში (CPAC) მონაწილეობა და პრორუსული ღირებულებების გაზიარებაა.
კომენტარები