ოდესის მერი გენადი ტრუხანოვი დააკავეს. პროკურატურაში აცხადებენ, რომ დღეს, 4 მაისს, უზენაესი ადმინისტრაციული სასამართლოს მოსამართლეთა კოლეგიამ დააკმაყოფილა პროკურორის მოთხოვნა ქალაქის მერის აღკვეთის ღონისძიების შეცვლის შესახებ.
ტრუხანოვი ერთ-ერთი ბრალდებულია ოდესის ქარხანა „კრაიანის“ საქმეზე.
უკრაინის ნაციონალური ანტიკორუფციული ბიურო მიიჩნევს, რომ ტრუხანოვი კორუფციული სქემის ორგანიზატორია, რომლითაც 90 მილიონ გრივნაზე მეტი გაიფლანგა.
პროკურატურა აცხადებს, რომ ბრალდებულმა არ გადაიხადა სასამართლოს მიერ განსაზღვრული გირაო – 30,866 მილიონი გრივნა, ამიტომ პროკურორმა მისთვის აღკვეთის ღონისძიების შეცვლა მოითხოვა.
სასამართლომ შუამდგომლობა ნაწილობრივ დააკმაყოფილა და ბრალდებულს აღკვეთის ღონისძიებად 60-დღიანი პატიმრობა შეუფარდა 13,42 მილიონი უკრაინული გრივნის გადახდამდე.
სასამართლოს გადაწყვეტილებით, ბრალდებული სასამართლო დარბაზში დააკავეს.
ტრუხანოვს გირაოს გადასახდელად ხუთი დღე აქვს.
საქმის არსებითი განხილვა ოდესის მალინივის რაიონულმა სასამართლომ 2018 წლის 14 ნოემბერს დაიწყო.
კომენტარები