სოციალური ქსელის მომხმარებელი, ნიკო მიქაია, სოციალურ ქსელში, წერს:
“ჩვენ ვართ 90-იანელები: ეს ის დროა, როცა ბავშვები ლამფის შუქზე ვმეცადინეობდით!
ის დრო, როცა მაგნიტოფონის კასეტის ლენტას მანიკურით ვაწებებდით!
როცა ინგლისური მარტო გელა ჩარკვიანმა იცოდა.
როცა კომპიუტერი თეთრი ტელევიზორი გვეგონა.
როცა შუქი გრაფიკით მოდიოდა.
როცა ეზოში გაშვების ეშინოდათ მშობლებს, რომ ბრმა ტყვია არ გავარდნილიყო სადმე.
როცა ბავშვები სკოლაში ფულს ვაგროვებდით, რომ შეშა გვეყიდა და ცეცხლი დაგვენთო.
როცა შატალოზე ფოტოგრაფთან მივდიოდით, ვიღებდით სამახსოვრო სურათს და მერე მშობლებს ვეხვეწებოდით 2 ლარს დაბეჭდილი ფოტოს გამოსატანად.
როცა მე-9 ბლოკი გვესმოდა სულ ტელევიზორში და ვერ ვხვდებოდით რა იყო ეს მეცხრე ბლოკი.
ჩვენ ის თაობა ვართ, რომელიც გარდამავალ პერიოდში იზრდებოდა.
თაობა, რომელიც ფიქრობდა უანტენო ტელეფონი რა მაფია იყო, როცა პირველი მობილური შემოვიდა.
თაობა, რომელიც მეგაკომს მოესწრო.
ჩვენ ის თაობა ვართ, რომლის დიდ ნაწილსაც შიოდა, სციოდა, სწყუროდა, მაგრამ მაინც ძალიან უყვარდა ერთმანეთი.
ჩვენ ის თაობა ვართ, რომელსაც ქეთი მერკვილაძე უიტნი ჰიუსტონზე მაგარი მომღერალი ეგონა.
ჩვენ ის თაობა ვართ, რომლის ტვინშიც წინა თაობის წარმომადგენლებს შეყავდათ, რომ საბჭოთა კავშირში შიმშილი არ იყო და ამაზე უკეთესი წყობა არ არსებობდა.
ჩვენ გაის თაობა ვართ.
ჩვენ ის თაობა ვართ, რომელსაც სტუდენტობისთვის 20000 დოლარი ჭირდებოდა, თორე მინიმალური შანსი ჰქონდა.
ჩვენ YES/NO მოდის თაობა ვართ (მაისურები იყო ასეთი, წინ YES ეწერა, უკან NO, გოგოების 99%-ს ის ეცვა)
ჩვენ ის თაობა ვართ, რომელსაც ქურდობა უნდოდა და თქვენ ამბობთ, რომ ამის მერე კორონას რამეს დააკლებს ამ თაობას?”
კომენტარები