,ნატოს” წვრთვნაში არმონაწილეობა ლოგიკური და განუყოფელი ნაწილია დოქტრინისა: – არა ომს! -, მთავარია მშვიდობა!“ – ზურაბ გურული

აშშ-ში მცხოვრები ექიმი, ზურაბ გურული:

,ნატოს” წვრთვნაში არმონაწილეობა ლოგიკური და განუყოფელი ნაწილია დოქტრინისა: – არა ომს! -, მთავარია მშვიდობა! -.
ოფიციალური მიზეზად ამას არავინ დაასახელებს, მაგრამ კულუარებში “ოცნების” ყველა აქტიურმა და პასიურმა მომხრემ იცის.
შესაბამისად, ნებისმიერი მცდელობა მათი დამუნათებისა, უსარგებლოა; უფრო მეტიც, კონტრპროდუქტიულია, რადგან ქართველი ამომრჩევლის “საკონტროლო პაკეტს” მიაჩნია, რომ ის პოლიტიკური პარტიები და პოლიტიკოსები, რომლებიც ამ მოქმედებას აპროტესტებენ, ხელს უწყობენ რუსეთის პროვოცირებას.
ნებისმიერი სახის ახსნა-განმარტება იმის შესახებ, რომ საბოლოოდ ეს უფრო დიდ ირიბ მსხვერპლს გამოიწვევს ქვეყნის პოლიტიკური და სოციალური დეგრადაციის წყალობით და რუსეთთან ნებისმიერი სახის კომპრომისული დამოკიდებულება რომ სამუდამოდ ჩააბეტონებს პარა-კრიმინალურ კარტელს საქართველოს პოლიტიკურ მმართველობაში, უაზრობაა. პარალელი რომ გავატაროთ, ანალოგიურ უაზრობას წარმოადგენს ამერიკელ რესპუბლიკელთა რადიკალი ამომრჩევლებისათვის იმის მტკიცება, რატომ იქნება შორეულ მომავალში იზოლაციონიზმი დამღუპველი ამერიკისათვის და რატომ უნდა დაეხმარონ უკრაინას უპირობოდ. საშუალო-სტატისტიკურ ამომრჩეველს ასეთი შორსმიმავალი ინტელექტი არ გააჩნია.
ამიტომ ისევ:
არ გაჩერდე, უკრაინა!”