რის გამო შეიძლება უჩივლოს ეგვიპტის ხელისუფლებამ “ნეტფლიქსს”? – დეტალები

1940-ან,1950-ან და 1960-ან წლებში აღმოსავლეთ აზიურ და სუბსაჰარის მკვიდრს მეომრებს, მოსახლეობასა თუ მმართველებს ამერიკელი და ევროპელი თეთრკანიანი მსახიობები თამაშობდნენ. ამას მაშინ ნაკლებად, მაგრამ მოგვიანებით დიდი კრიტიკა მოჰყვა, რადგან მათი თამაში (მიუხედავად იმისა, რომ ცდილობდნენ კანის ფერისა თუ სახის ნაკვთების ცვლილებას და რეალურთან დამსგავსებას) არც გამოხატავდა გარემოსა თუ რეალური გმირების ავთენტურობას და იმაზეც მიანიშნებდა, რომ რეჟისორებს თავი არ შეუწუხებიათ აზიური წარმოშობის მსახიობის ძიებაში.

დღეს კინოინდუსტრია უფრო განვითარებულია და მსახიობებიც არ ჭირს და ისტორიული სინამდვილის დადგენაც უფრო მარტივდება, მით უფრო როდესაც დოკუმენტურ დრამაზე მიდგება ხოლმე საქმე. დავიწყოთ იმით, რომ ეგვიპტელების ნაწილს მუქი შეფერილობის კანი ნამდვილად ჰქონდათ: მოსახლეობის ნაწილი შავკანიანი იყო, ნაწილს კი უფრო ღია კანი ჰქონდა. მათი გარეგნობა მათ მხატვრობაშიცაა ასახული, რომელზეც განსხვავებული კანის ფერის მქონე ქურუმები, ფარაონები თუ ფერმერები არიან წარმოდგენილნი – ზოგი თეთრია, ზოგი შავკანიანი, ზოგსაც შერეული ფერი აქვს. ბერძენი მოგზაური სტრაბონი, რომელიც ეგვიპტეშიც იმყოფებოდა და საქართველოშიც, უფრო შორს მიდის და ამბობს, რომ ორივე ტერიტორიაზე (კოლხეთსა და ეგვიპტეში) მცხოვრები ადამიანები ერთმანეთს ჰგავდნენ და რომ საერთოდაც ეგვიპტელთა ნაწილი გადმოსახლდა კოლხეთში და იქ განაგრძეს ცხოვრება. ნაკლებად დასაჯერებელია ეს ამბავი, მაგრამ სტრაბონის შთაბეჭდილების საკითხი ნამდვილად საინტერესოა.

არც ის უნდა დავივიწყოთ, რომ ეგვიპტელებს ნამდვილად ჰყავდათ შავკანიანი მმართველი დინასტია: 25-ე ნუბიური დინასტია რომელიც ქვეყანას 100 წლის განმავლობაში მართავდა შავკანიანები იყვნენ. ამიტომ თუკი ვინმე ამ პერიოდზე ფილმს გადაიღებს და თეთრკანიან მსახიობს ათამაშებს ფარაონად უგუნური და მატყუარა იქნება.

მაგრამ აღსანიშნავია, რომ ეგვიპტეს სხვადასხვა მმართველი დინასტია ჰყავდა სხვადასხვა გეოგრაფიული სივრციდან მოსული. კლეოპატრა წარმოშობით ეგვიპტელი არ ყოფილა, იგი ბერძნული პტოლემეოსის დინასტიის წარმომადგენელი დედოფალი გახლდათ, რომლებიც ქვეყანას უკვე სამასი წელი მართავდნენ. მას ოდნავ მოწითალო ფერი თმა და თეთრი კანი ჰქონდა. შესაბამისად, მისი შავკანიანად გამოხატულება ვერ იქნება ისტორიულად მართებული.

ისტორიაში არსებობდა შავკანიანი მმართველი, რომელიც ყველაზე მდიდარი იყო მმართველთა ისტორიაში. იგი ძალიან დიდ ტერიტორიასაც ფლობდა და ბევრსაც მოგზაურობდა. მისი სახელი იყო მანსა მუსა, რომელიც მალის იმპერიას უძღვებოდა. სამწუხაროდ, მასზე დოკუმენტური ფილმების სერია არ არის გადაღებული. ძალიან მნიშვნელოვანია ეს განხორციელდეს და იმედია თავში არავის მოუვა აზრად მანსა მუსად თეთრკანიანი მსახიობი ათამაშონ.”